 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 65 |
l’ün sur l’oter. Uschea gnitten quists pajais voeds da lur egiens inhabitants, ne eira pü üngiün, chi (h)ustes, chia ls Spagnoels nun las pigliessen aint et possidessen à lur gust.
Nota:
Ls liuns, ls uors et otras grimmas bes-chias nun ’s mazen traunter per uschea crudelmaing, co la glieud l’ün l’oter.
[f. 50b] L’giavüsch dal Rag Philippi vers dals Atheniensers.
XXXVI.
Cura chia Philippus, Arag dalla Macedonia, havaiva assedio quella famusa cited dad’Athen, tramtet el üna legatiun ù ambascharia alla cited 10 cun giavüscher, chia l’dessen der our ls principels oratuors ù procuratuors, schi vulaiv’el alhura accorder cun la cited, et ls lascher cun pesch, perchie, dschaiv’el, chia quels füssen, ilsquels muaintaiven sü la guerra. Mo Demosthenes, il pü grand et eloquent oratur ù dicitur, chi me saja sto, araspundet uschea à quists ambaschaduors in preschenscha da tuots seis citadins, per ls amusser lg grand bsœng da buns procuratuors, et dschet: Üna gieda tramtetten ls lufs ün ambaschadur a las nuorsas et las fetten assavair, chia tuotta la guerra et dispütta, chi eis traunter ls lufs et las nuorsas, deriva no dals chiauns, chi las moarden. Scha dimena las nuorsas vulaiven der aint à maun ls chiauns als luffs, u almain ls vianter davent, schi chia els, ils lufs, vulaiven alhura [f. 51a] viver in buna pesch cun ellas. Las nuorsas ’s laschetten persvader et detten ls chiauns als lufs, et zieva, dintaunt chia ls büs-chiers durmiven, gnitten ls luffs et maglietten tuot las nuorsas. Cura chia ls citadins dad’Athen inclegietten quist dit da Demosthenes, schi savettane dalungia, quaunt chi importaiva ad üna cited ad havair bums aredschaduors ù procuratuors.
Davart la stupenda Bibliotheca dal Rag Ptolomæi.
XXXVII.
In Aegypto ho avaunt temp aregno ün zuond ludo Arag cun nom Ptolomæus Philadelphus, ilquel eira ün singuler amatur et promotur dalla scientia et dottrina. Quist havaiva mis insemmel üna bibliotheca ù libraria da 20000 cudaschs da tuots ils scrittuors, chi havaiven florieu infin à sieu temp, üna sumgiaunta, allaquela me nun eis sto. La chiüra ù procuratiun da quista senchi’ovra havaiva l’Rag Ptolomæus arcumando à Demetrio Phalereo, ilquel havaiva cumpro insemmel ils pü bels cudaschs et fatt gnir da tuots reginams et pajais taunts co chi’el pudaiva havair. [f. 51b] Mo quist Arag havaiva eir udieu davart ün zuond bellischem cudasch, ilquel
| Rätoromanische Chrestomathie VII. 1. |
