 |
Questa pagina è stata trascritta e formattata, ma deve essere riletta. | |
| 62 | Alchiünas Bellas et Nüzaivlas Histoargias |
tar l’Imperadur, taunt co scha el tscherchies da l’piglier la vitta et l’areginam. Tres quist suspett eis l’Imperatur gnieu commuanto, chia el ho fat chiaver our a quist gienerus barun, ilquel foarza me nun ’s havaiva impisso d’ün tel tradimaint, tuots duos oelgs. [f. 46b] Quist eira huossa la peja per sieu fidel servezzen. Belisarius nun ’s pudaiva svindichier dal Imperadur, et peraque ’s fet el fer sü ourdvart la cited da Roma üna barachietta, inua chi’el staiva et giavüschaiva l’almousna da quels chi passen vidavaunt, par sustentamaint da sia pouvra vitta, et dschaiva: Date Belisario obolum etc: De à Belisario ün quatrin, ilquel na per qualchie malfatta chiossa, mo nomma per l’ivilgia eis gnieu privo da seis oelgs.
Nota:
L’ivilgia vegna certamaing dapertuot, ma principelmaing però in las cuorts da grand signuors et princips.
Histoargia davart Sigismundo ei ün da seis famalgs.
XXXIII.
L’Imperadur Sigismundus havaiva ün velg, fidel famalg, alquel el infin in huossa havaiva duno zuond poch, schabe chia l’eira uschigliœ ün zuond liberel signur. Mo ad iscuntret üna gieda, chia l’Imperadur faiva viedi, et giand par viedi, passet vi tres ün uvel, chia l’chiavalg dal’Imperadur stalet in l’ova. Cura dimena chia l’praedit famalg, chi giaiva zieva l’chiavalg, vset que, dschet el [f. 47a] ariand: Quist chiavalg ho giüst la natüra da sieu patrun, l’Imperadur. L’Imperadur udit quist et il dumandet dimena, co chi’el managia que cotres? Co respundet il famalg et dschet: Sco chia l’chavalg stalla in l’ova, in laquella sainza que füs uschigliœ ova avuonda, uschea fatscha eir l’Imperadur, inaque chi’el duna bgier ad aquels, ilsquels haun uschigliœ roba et daners avuonda. L’Imperadur incligiet dalungia, inua chia l’fat giaiva à manair, numnedamaing, chia l’famalg, cun quist dit, l’traiva sü, ma civilmaing, perchie chia el me nun l’havaiva duno ünguotta, schabe chia el il havaiva servieu fidelmaing bgiers ans, et peraque respondet el al famalg cun dir, chia la negligientia et manchiaunza infin in huossa nun saja steda in el, ma chia giaja uschea cun ls dunatifs dals princips, chia quels vegnen suens ad aquels, chi nun ls haun meritos, ma chia la fortüna favurescha, et chia que saja uschea, voeglia el in cuort temp fer vair. Poch dis zieva fet l’Imperadur fer duos büschlas d’sten dad inguela grandezza et gravited, et fet culer aint in l’üna plom et in l’otra or. Sü sura clamet el tar se il famalg et il mattet avaunt tuottas duos büschlas, cun quella licentia, [f. 47b] chi’el daiva piglier üna, quella chi’el vulaiva. Il famalg ’s sbundragiet da quist fat, guardet bgier et peset quistas 2 büschlas,
