 |
Questa pagina è stata trascritta e formattata, ma deve essere riletta. | |
| 60 | Alchiünas Bellas et Nüzaivlas Histoargias |
Esther per duonna, sco chi’s legia in la bibgia, gnit in quels logs, inua chia Belus havaiva sa sepultüra, incirca da 1500 ans zieva la moart da Beli. Co fet el chiaver sü las sepültüras et chiatet aluaint ün vasche d’crystalg [f. 44a] plain d’bain savurieu oeli, aint in ilquel oeli nudaiva l’chiüerp moart da Beli. Et daspera il vasche eira üna platta d’marmel, sün laquela eiran scrits quists pleds: Quel chi evra quista sepultüra et nun tuorna à fer implir quist vasche cun oeli, quel dess savair, chi’el vegna à piglier üna pouvra et miserabla fin. Xerxes füt da quist tuot ischnuieu, fet dalungia purter no oeli bgier et bütter u svider aint in il vasche da Beli sün sieu chiüerp, ma tuot par ünguotta. Alla davous, haviand el viss, chia füs impossibel da surimplir que vasche, eis el ieu davent et l’ho lascho lo. Bain bod zieva cumanzet el tres instigatiun da sieu cusglier Mardonio üna guerra cun ils Graecs, in laquela guerra el mnaiva cun se 160000 sudos, cun laquela terribla armeda el faiva trambler tuotta la Graecia da tel soart, chia sieu armeda süantaiva sü ovas intêras. Mo tuot quista granda pusaunza dals Persers füt in term da 2 ans dals Graecs in 4 battaglias, chia fetten insemmel, tuot aruineda, destrütta et dassipeda, uschea chia Xerxes cun granda verguogna stuet fügir sün üna pitschna nevetta da pes-chiaduors et [f. 44b] salver uschea la vitta. In la quarta battaglia füt eir mazo Mardonius, authur da quista guerra. Xerxes zieva la persa dad’üna uschea granda multiludine de poevel eis turno darchio in la Persia, et ho mno inavaunt aco sa vitta in tuotta voluptet et delicias, et eis alla davous da Artabano, ün oter sieu cusglier, chi l’havaiva cusglio, chia nul des cummanzer quist’injüsta guerra, gnieu mazo. L’otra sepultüra, cioe da Semiramidis, vain descrit’uschea: Semiramis havaiva fat scriver sün sa sepultüra quists pleds: Quel Arag, chi giavüscha daners u or, quel n’piglia quinder our taunt co chi’el voul. Tar quista sepultüra gnit bgiers 1000 ans zieva Darius, ilquel legiet quista scrittüra et fet avrir la sepultüra. Ma nun chiattet ne or ne argient, ne ünguota oter co üna tevla, sün laquela eira scrit uschea: Scha tü nun füssest ün mel hom et insatiabel da daners, schi nun gnissest à violer et rumper sü las sepultüras dals moarts.
Nota:
Las sepultüras dals moarts nun dess ün violer, ma lascher lur oassa pusser in pesch, perchie las sepultüras sun senchias.
[f. 45a] Davart l’inimicitia dals Arugnuns et Aruos-chials.
XXXI.
Erasmus da Roterdam in seis discuors aradschuna üna histoargia, laquela eis degna da gnir observeda et gnir scritta. Intrauuter ls arugnuns et ls aruos-chials eis üna uschea granda et irreconciliabla inimicitia, chia,
