 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 57 |
eira zuond iflarus et dandet. Quel giet et det à seis frer in quela grand’ira üna masleda; quist eir el dalungia tret sa deja et farit il chiardinel uschea sten, chi’ el in pochias huras zieva murit. Seis servituors vuletten mo’ s svindichier da quist trid att, fat a lur signur, et curritten cun las dejas nüddas adoes al authur dal fatt et il feritten eir da tel soart, chia eir quel zieva bainbod murit. Uschea cungiüsted il cunturblo bab üna leivra, ma stuet lascher ir per quella seis tuots duos filgs.
Nota:
Our d’üna pitschma brinzla vain suenz ün grand fœ, quels chi lagnan gugiend sun nars.
[f. 40b] Davart Semiramide, co chia ella saja gnida tar l’regiment et seis grands fatts.
XXX.
Semiramis, duonna da Nini, seguond Monarch dalla Assiria, eis steda üna Heroina da grands fatts. Co chia ella zieva la moart da seis marit saja gnida tal reginam, ns aradschuna Justinus. Uschea numnedamaing, chia d eira üna ledscha tar ils Assiriers, suainter laquela üngiüna femma nun pudaiva regner, et paraque schi ’s hegia ella stravestida et ’s hegia bgiers ans deda our per ün mes-chial, ilquel ingian ella ho tgnieu bgiers anns secrett, infina à taunt, chia ella, zieva havair fat bgiers excellents bels fatts et squasi ad ün mes-chial impossibels, ’s det à cugnuscher, chi’ ella füs üna femna et na ün hom. Ilquel pero na sulettamaing nun l’ho nuschieu ünguotta à sieu imperi, mo bain aunz l’ho adozeda tar ün bgier pü grand respet et reverentia. Oters scrittuors pero aradschunan quist fatt ad ün’otra foadscha pü sgrischusa, numnedamaing uschea, chia els dian, chia Semiramis eira in principi [f. 41a] concubigna dad’ün schefd. Üna vouta ’s imbattet, chia Ninus la vset, et dalungia ’s inamuret in ella per sia granda beltezza, et la druet à sa voeglia. Co ho quista femna cun sieu lam et bel tschantscher et cun sias bels et amabels giests da tel soart piglio aint il cour dal Rag Nini, chia nun eis sto ünguotto uschea grand, chia ella hegia giavüscho dal Rag, chia l’Rag nun l’hegia do et concedieu. Üna gieda dimena, chia la faiva moais cul’Rag, schi l’dschet ella, chia l’haves grand delett et desideri tar üna chiossa, et giavüschet eir zuond civilmaing, chia l’Rag vules consentir et la fer quella grazchia. Nimis dschet dalungia, chia tuot que, chi’ ella gniva à giavüscher, saja taunt grand, co chi esser ’s voeglia, schi la desse iscuntrer. Eau giavüsch dimena, dschett ella, chia l’Rag m’voeglia cunceder, chia poassa m’schanter nomma ün sulet di sün sieu thrun regiel, et chia m’vegna servieu in tuot que chi’eau veng à comander, sco chi vain servieu al Rag. Ninus ariet da que, et la det tiers a sia gust. femma midà en femna
