 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 55 |
da lur perditiun. Las sruors da Psyche haun cuntschieu, chia la infideltet vers seis patruns u signuors amaza quels chi la faun.
Davart 2 Frars, chi, minchiünand, ’s haun miserabelmaing amazos.
XXVI.
La seguainta histoargia eis iscuntreda à Padua cun duos frars, dalla veglia schlatta dals Liminiers, dintaunt chi’ els zieva tschaina staiven avaunt poarta à plaz et discurriven insemmel da tuottas chiosses. Intraunter oter cumanzet l’ün et dschet ariand, perchie chia d eira bel cler, chia ’s vsaiva tuot las stailas dal tschêl: A vules dad’havair taunta muaglia, chi vaun alla pas-chiüra, co chia vez stailas in cêl. L’oter l’respundet eir el tuot ariand et dschet: Et eau vules havair ün pro uschea grand, co tuot il tschêl, inua vulessast [f. 38b] alhura tü chiatscher ta muaglia à pas-chiüra? Hei, dschet il prüm, eau la vules chiatscher sün tieu pro. Co dschet l’oter: Et sch’eau nun vuless? Sü sura dschet l’oter: Taunt à taunt vules eau fer que. Dschet dimena quist: Vulessast tü dimena fer que incunter ma voeglia? Schi, respundet il prüm, scha tü nun vulessast der tiers da gugiend, schi vuless eau cert fer que per foarza incunter ta voeglia. Quist discuors havettane els taunt loeng, infin chia alla davous our dal arir et biffuner gnittane à disputer dal bum, et ’s gritantetten uschea quists duos frars, chia mattetten mauns alas dejas et ’s mazetten tuots miserabelmaing.
Nota:
Our d’ün pitschen lang po suenz gnir üna granda dischgrazchia; bgiers dispütten suenz, lagnen, ’s batten, et nun saun perchie.
Davart duos Frars, chi faiven viedi insemmel.
XXVII.
Petrus Rinaldus aradschuna in ün sieu cudasch üna bella histoargia. A faiven viedi insemmel, disch el, üna gieda duos frars; l’ün dalsquels eira sabbi et scoart, l’oter eira nar et lef d’tscherve. Giand els dimena per viedi insemmel, sune gnieus tar ün spartavia, u in ün lœ, inua chia duos vias ’s spartivan. [f. 39a] Co cumanzettane à dispütter insemmel, per quella via chia dessen ir. Il nar, vsand, chi’ üna via eira bella et deletaivla, dschaiva al scoart: Nus vulains ir par quista via bella. Il sabbi dschaiva: Na, mieu frer, giain par la via sfadiusa et greiva, perchie chia la via largia et bella ns maina in üna hustaria, inua chi evden ils schaschins, et uschea gnins in prievel dalla vitta. Il nar et bluord sto sün sieu parair, chia dessen ir par la via bella, chia seis frer giaja cun el. Il scoart ’s laschet surmner.
