Pagina:Decurtins - Rätoromanische chrestomathie, VII.djvu/68

54 Alchiünas Bellas et Nüzaivlas Histoargias

despereda Psyche giet loeng vi et ino per il muond ad aramaints, cerchiand sieu dilettischem marit Cupidinem, ilquel chi’ella pero nun pudaiva chiatter. Gnit in la cited, inua chi staiva sa sour la pü veglia, et ’s impisset da l’ingianner, sco chia l’eira eir ella gnida ingianneda da ella: giet tar ella et la radschunet, co chi la füs ieu à maun, et chia seis marit nun füs ün monstrum u üna chiossa sgrischusa, mo il Dieu Cupido, ilquel tuot ils Dex et la glieud stoeglian tmair; quel, cura chi’el ho vis, chia ella d’noat eis gnida tar el cun fœ et speda, tres il der aint da sa sour, ’s hegia gritanto incunter ella et hegia dit, chi’el la voeglia fer ir davent et piglier per duonna in sieu pe sa sour la pü veglia, et uschea l’hegia dalungia fatta mner davent tres l’ora. Quista sa sour, plaina d’bramma dallas richiezzas et dal œdi vers sa sour, vo sün que spalm, sün ilquel eira ieu Psyche il prüm, clamma l’vent, chi la vöeglia purter, sco chi’el la sulaiva purter peravaunt, dintaunt chia Psyche eira aint in il Palaz. Et uschea ’s bütla gio zur il spalm et ’s smachia tuot. Psyche giet davent da lo et vo tar l’otra sour et fo eir giüst uschea cun quella, et uschea survgnittane quistas duos tradituras sruors [f. 37b] lur debita peja. Mo nell’uschea nun füt Psyche libereda da sa dischgrazchia, perchie chia gnit assavair à Veneri, la mamma da Cupidinis, chia seis filg füs ferieu ù plajo greivamaing, chia el haves üna concubina, laquela des bod gnir in pagliola, et uschea Venus, siand aunchia üna juvna et bella Diela, des in seis juvens ans gnir cun verguogna tatta; schi, que chi ais aunchia pü, chia la duonna da seis filg füs quella, permur dallaquela ella, Venus, füs gnida schbütteda, sieu divin servezen füs gnieu manchianto, et tuot il muond haves nomma guardo sün Psychen. Da quist tuot ’s chiattand offaisa, ho ella l’prüm piglio avaunt seis filg Cupidinem et l’ho fich arprais, dit mel, svillano, et l’ho fat üna altschiva, chi’el vain a s havair algurdo per ün’otra vouta. Cupido pouvret stuvet huossa eir el purter pazchiaintiamaing et ’s fer guarir da sas plejas plaunsieu. Mo la pouvra Psyche füt sgrischu[sa]maing persequiteda da Veneris, laquela tscherchiet bgier da la piglier la vitta, inuonder chi’ella la daiva sü da fer chiossas, chi paraiven impossiblas, lasquellas pero chia Psyche tres agiüd dals oters Dex, et eir dallas bes-chias perfin, chi ’s laschaiven gnir compaschiun d’ella, drizet our tuottas, sco chi’s legia alla lungia tar Apulejo. [f. 38a] Alla davous, zieva bgierras disgrazchias et adversiteds eis Psyche, tres intercessiun et bain tschantscher da Jupiter, bab dals Dex et dalla glieud, gnida piglieda sü in grazchia darchio et eis tres consentimaint da Veneris gnida immortela et zieva per saimper aresteda duonna da Cupidinis.

Nota:

Our dal exaimpel da Psyche ’s veza, chia bgiers sun svessa la causa