 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 51 |
Davart Demosthene et Laide.
XXIV.
A Corintho eira üna zuond ludeda, famusa et noebla femna, cun nom Lais, laquela cun sa granda ballezza et amabels giests et vitta spoarchia guadagnaiva bgier daners, siand chia ls pü richs et ils pü principels da tuot la Graecia giaiven tar ella. Ella [f. 33b] pero nun laschaiva gnir tar se . . . . üngiün, scha nul daiva, que chia la dumandaiva. Ma ella dumandaiva üna grandischma somma d’daners. Inuonder chia eira gnieu il proverbi, chia ’s dschaiva: Non cuivis homini licet ire Corinthum: numnedamaing: Chi chi nun po der a Laidi taunt, co chi’ella dumanda, quel per ella nun des ir à Corintho. A dvantet dimena, chia eir Demosthenes, que famosischem oratur dalla Graecia, giet üna gieda incognit tar quista Laide et l’aruet, chi’ella vules consentir á sa voeglia. Co dumandet Lats dad’el ün talent, que ais 600 curunas ù 1400 arainschs. Demosthenes ’s schmiravgliet da quista dumanda et’s fet eir fich buonder dalla pochia craaunza da quista femna. Laschet Laidem sco chi’ella eira et giet davent, dschand: Tanti poenitere non emo: Eau nun dun taunt per üna chiossa, dallaquela eau gnis bod a m arüvler, scha eau l’haves fatta,
Nota:
Per daletts mundauns nun sto ün mia bütter vi il tschêl ne l’aeterna allegria et delett.
[f. 34a] Davart la Bellischma Psyche.
XXV.
La seguainta deletaivla fabula ’s chiatta scritta tiers Apulejum in il 4. et 5. cudasch davard il Esen d’or, et vain ditta uschea. Ad evdaiven in üna cited avaunt temp ün Rag et üna Regina, chi havaiven hagia insemmel trais figlias, dallasquelas las duos veglias eiran certamaing bellas et eir fich amedas da 2 Rags, in ilsquels ellas fütten alla davous eir maridedas. Mo la pü juvna, chi havaiva nom Psyche, eira dad üna uschea stupendischma beltezza, chia tuots pissaiven, chia la Diela Venus haves banduno ils Dex, et füs gnida gio in terra per evder traunter la glieud. Üngiün nun aduraiva pü Venus; üngiün nun la faiva pü offertas et sacrificis. Ls oelgs, las laungias et las offertas da tuotta la glieud eiran nomma indrizos sün la bella Psyche. Quist dischplaschet fich a Veneri; et paraque schi aruet ella à seis pitschen infaunt Cupido, chi’el dess svindichier quista injürgia ad ella fatta. Cupido eira filg da Veneri, et ün pitschen infaunt, oarf et nüd dafat, purtaiva sün las arains [f. 34b] üna pharetra plaina da frizas, et in maun ün balaster, cun ilquel el fariva ls cours dalla glieud et ls
4*
