 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 43 |
schi observet el, chia l’gniva invisibel, et chia ün [f. 24a] dals circumstants nun vsaiva, chi’el füs preschaint. Ho peraque pruo pü bain la virtüd da quist anne, et ho observo et chiatto, chia, cura chi’el vulvaiva la peidra da quist bel anne in aint vers sieu chiüerp, schi chi’el gniva invisibel, ma cunbot chi’el il vulvaiva in our, schi gniva el darchio visibel, chi tuots il pudaiven vair. Sün aque eis el ieu in la cuort dal Rag dals Lydiers, et uschea suenz co chi’el vulaiva, ’s faiva el invisibel, durmiva cun la Regina, et alla davous mazet el il Rag svessa, ’s maridet cun la Regina vaidgua, et uschea our d’ün pouver büs-chier eis el tres mez da quist anne dvanto Rag. Quinderno eis gnieu il proverbi, chia’s disch: Al ho l’anno da Gygis, cura chi’ün voul dir: Al ho tuot que, chi’el giavüscha.
Syloson duna à Dario üna chiappa d’purpur ù d’s-chiarlatta.
XVII.
Paravaunt eise sto dit, chia que vintüraivel Polycrates hegia hagieu ün frer, chi havaiva nom Syloson, ilquel chi’el tramtet in exili, aciochi’el pudes aregner sulett a Samo. Quist Syloson eira üna gieda in quella granda cited da Memphis et giet à spas ün po sün quellas Plazas, et havaiva sü üna stupendischma bella chiappa d’s-chiarlatta. Darius Codomanus, que grand Monarch dalla Persia, eira lessa gieda aunchia ün trabant ù servitur [f. 24b] da Cambyses, Rag dalla Persia. Quel gnit no tiers quist Syloson, guardet quella bella chiappa coatschna et ’s inamuret fich sün ella, dumandet à Syloson; scha el vules vender quella chiappa, et quaunt chi’el dumandes per zieva? Syloson respundet: Chier amich, quista chiappa nun m’eis vnela, huossa pero, scha tü la voust purter adüna et nun la lascher me our da teis mauns, schi t’la voeglia duner. Darius füt legiar, pigliet la chiappa. Zieva allura chia Darius gnit Arag, et Syloson eira chiatscho in exili da seis frer Polycrate, giet Syloson tar Dario et ’s schantet gio sün il glim dalla poarta dal Rag et fet dir al Rag, chia füs aco ün hom dalla Graecia, chi füs benemerit dal Rag, perchie chie l hegia fat bgier dal bain. Quist gnit dalungia purto avaunt al Rag, ilquel ’s istupit fich et dschet: Chi eis quel intraunter ils Graecs, ilquel ho fat dal bain ù amicitia cun que pussaunt monarch Dario? Et sün aque fet el dalungia mner avaunt se Syloson, ilquel il radschunet et tret dalungia in memoergia la chiappa d’s-chiarlatta, chi’el il havaivo duno in la cited da Memphis. Co alhura dschet Darius: O, Tü hom da bain, m’hest tü, dintaunt chia nun eira aunchia Rag duno üna uschea chiera, schabe schlechta chiossa, schi chie gnisses à fer huossa, chia sun Rag? Eir eau t’vœ huossa duner taunt or et argient, co chia tü giavüschast. Ma Syloson il respundet: [f. 25a] Ô Rag, or
