 |
Questa pagina è stata trascritta e formattata, ma deve essere riletta. | |
| 42 | Alchiünas Bellas et Nüzaivlas Histoargias |
filg, sco Cyrus. Quist tuot plaschet à Cambyse dafat bain, et peraque fet el clamer tar se Prexaspen et dschet: Tü Prexaspes sulet me blesmast ù arprendast dal’avriaunza, ma aciochia tü sapchiast et cugnuoschast, chia eau, schabe chia d - he bavieu sten, ünguotta taunt main, hegia mieu saun intellet ed jüdici et poassa fer que chi sto bain, schi [f. 23a] vœ eau fer metter qui avaunt me tieu filg pitschen, et cura chia sun aiver, chi vœ eau mirer et sagietter vers el. Scha nul chial l’infaunt giüst in mez il cour, schi m’des iminchiün tegner per ün avriard, chi nun so druer indret sieu jüdici. Mo sch’eau il chial giüst il cour, schi dessest savair et inclêr, hia nun maunchia ünguotta al intellet, schabe chia sun prinz. Sü sura fet Cambyses piner ün grand pest, ’s inavriet cun seis cusgliêrs, et cura chi’el füt aiver, mattet el avaunt se, ma pero bain daloentsch, il filg da Prexaspis il pü juven, tandet sieu balaster, mattet sü sa friza, tschignet et sagiettet sül mat. Cumandet dalungia, chia daiven guarder, scha l’ cour füs tuchio? Il juvnet füt aviert sü. Co chiatettane, chia la friza eira fichieda aint in mez il cour. Que musset Cambyses dalungia à Prexaspi, et dschet: Quinderoura poust tü huossa inclêr, chia eau nun sun ünguotta ün avriard et, schabe chia d - he bavieu sten, chia darchio nun hegia bavieu l’jüdici, l’inguarda; chia tü in l’avegnir nun arprendest pü, scha nun è il vaira.
Nota.
Quist eira üna injüsta tirannaschchia peja per la fidella admonitiun da Prexaspis; quel chi voul dir adüna la vardet, sto suenz purter l’inimicitia per sa peja.
[f. 23b] Davart la miravgliusa virtüd dal anne da Gygis.
XVI.
Plato scriva in sieu seguond cudasch davard la Republica la seguainta historia. Gyges eira ün büs-chier in Lydia. Cura chia quel üna gieda parchiüra sa bes-chia sün la chiampagna, dvantet è, chi gnit dandettamaing üna granda melora, chia tunaiva, stragliüschiva, daiva tampesta, pluaiva da tel soart, chia gnit üna terratrimbla, chi fandet et avrit la terra, chi restet üna granda chiavoargia. Gyges [s] fet ardimaint, et giet aint in la chiavoargia, in laquela el ho viss bgierras miravgliusas chiossas et intraunter otras eir ün grand chiavalg d’bruonz, ilquel aint dadains eira voed. In il flaunch da quist chiavalg eira üna fnestra, tres laquela Gyges guardet aint il chiavalg, et vset aluaint ün grand chiüerp moart dad’ün hom, nüd sainza üngiün iffitamaint, oter co chi’el havaiva ün anne in daint. Gyges eis tres quella fnestra ieu aint il chiavalg, ho piglio l’anne et eis ieu davent cuntuot. Ma dintaunt chia Gyges poarta que anne in daint,
