 |
Questa pagina è stata trascritta e formattata, ma deve essere riletta. | |
| 40 | Alchiünas Bellas et Nüzaivlas Histoargias |
zuond grit sün Harpago, chi’ el nun havaiva mazo Cyrum, mo l’havaiva do al pestar. Et peraque schi fett el piglier ün mattel da Harpagi, chi eira filg sulett, chia Harpagus nun savet, l’fet mazer et taglier in tochs, l’fet co(e)scher et purter avaunt ad Harpago, chi nun savaiva ünguota, da mangier sün ün pest, chi’ el il fet piner. Et zieva pest l’fet el purter avaunt la testa, ls peis et mauns in üna chiavagna, [f. 20b] inuonder chia Harpagus füt tuot cunturblo. Et peraque schi ’s impisset el da’ s svindichier da quist grand affrunt, cusgliet cun Cjro, biedi da Astyages, et l’agiüdet taunt inavaunt, chi’ el mettet insemmel üna groasisschma armeda, cummanzet la guerra incunter seis tat, il vandschet et il pigliet tuot aint sieu reginam, inuonder chi’ el bain bod zieva dvantet que grand Monarch dals Meders et dals Persers. Ma per alla davous havet üna miserabla fin. Perchie cura chia Cyrus üna gieda cumbattaiva incunter Tomyride, la Regina dals Massageters, schi druet el il prüm quist ingian. El laschet in sieu quattier davous varsequauntas buotts d’vin ferm, et’s aretret cun sieu poevel ün po. Co dalungia gnittan ils barbars, chi me nun havaiven bavieu vin, et cumanzetten à baiver et ’s inavrier, et intraunter quels eir il filg da Tomyridis. Dintauut dimena chia ls Massageters eiran tuots aivers et plains, chia impart nun pudaiven ne ir ne ster et impart eiran durmanzos, tsch[s]et Cyrus cun sieu poevel et ils mazet tuots affats. Il filg da Tomyridis pigliet el preschun, ilquel, cura chi’ el havet durmieu our il vin, füt usche anguschagio, chi’ el ’s chiatschet la speda in la vitta et’s mazet. [f. 21a] Cun bot chia quist gnit a savair à Tomyridi, schi araspet ella insemmel darchio taunt poevel, co chi’ ella pudet, et il det la seguonda bataglia, in laquela ella amazet Cyrum cun tuotta sa granda armeda. Zieva fet ella eir tscherchier intraunter ils coarps moarts Cyrum Rag, alquel ella fet taglier gio il chio, fet implir üna bu(e)scha plaina d’saung et fichiet il chio da Cyri luaint, cun dir: Tü, Cyre, nun hest vit et amazo meis filg et mieu poevel cun jüstia, mo cun ingian. Tü hest saimper hagieu granda sait zieva saung: ve co, huossa t’impla cun saung, baiva huossa saung taunt co chia tü poust. Uschea ho Cyrus hagieu ün miserabil exit, et eis zieva el gnieu Raig seis filg Cambyses.
Davart Cambyse, moarder da seis frer et da sa sour.
XV.
Cyrus Arag laschet zieva sa moart duos filgs: que chiaun da saung Cambysen et seis frer Smerden, ilquel da alchiüns vain anomno Artaxerxes. Il velg Cambyses havet dal giuven quist soemmi. Al paraiva, chia gnis ün pot our dalla Persia et il dsches, chia Smerdes füs adozo al thrun regiel.
