 |
Questa pagina è stata trascritta e formattata, ma deve essere riletta. | |
| 38 | Alchiünas Bellas et Nüzaivlas Histoargias |
grand’algrezchia à crider et à brancler seis filg intuorn culoez et bütscher, dschand: O chier filg, tü poust bain at tscherchier ün oter reginam, perchie ma Macedonia eis mema pitschna et stretta per te. Sün quist chiavalg eis Alexander zieva saimper ieu à chiavalg, cura chia el pigliet aint il muond, et cura chia sieu Bucephalus gnit amazo dals Indianers in üna bataglia, fet Alexander alo [f. 18a] edifichier üna granda citted, laquela chi’ el nomnet Bucephalon zieva sieu chiavalg.
Davart la granda constantia da Psammeniti in sia adversited.
XIII.
Haviand Cambyses, Arag dalla Persia assedio quella cited da Memphis et zieva eir piglied’aint, ho el Psammenitum, Rag da Aegypto, piglio preschun insemel cun seis infaunts et bgierra milliera d’otras persunas juvnas et veglias. Mo Psammenitum et alchiüns oters Egipters ho Cambyses tramis in il burgo della cited, et ho vulieu pruer sieu cour uschea. Il prüm ho el tramis our la figlia da Psammeniti trata aint cun vestimaintas ragielas cun üna sadella in maun à piglier ova, et cun quella bgierras juventschellas figlias dad’oters Egipters. Cura chia quistas tuottas passettan vidavaunt lur vêgls et gienituors, schi cumanzattane tuots dalungia à crider et plaundscher dad ot, taunt ils babs co las figlias, ourdvart Psamminitus, quel, schabe chi’ el vsaiva sa figlia, staiva cun la testa bassa, sainza der seng da larmas. Bain bod zieva ho Cambyses sumgiauntamaing [f. 18b] fat passer vi davaunt il filg da Psamminiti, chi havaiva lio ils mauns cun chiadaignas, üna sua intuorn culoez et ün frain in buochia, et cun quel 2000 filgs dals Egipters dalla medema cited. Cura chia eir quists passetten vidavaunt lur gienituors, haune tuots, taunt juvens co velgs, taunt babs co filgs, cumanzo darchio fich a crider. Mo Psammenitus ho taschieu et guardo in terra saldamaing. Siand quist passo, eis gnieu mno vi davaunt Psammenitum ün hom velg tuot chianuoss, zuond bum amich et cumpang da baiver da Psammeniti; cura chia Psammenitus vset quist, schi nun ho el taschieu, sco peravaunt, mo ho cumanzo à giüvler et bragir zuond anguschagiusamaing. Quist eis gnieu a savair à Cambyse in la cited, quel ho dalungia tramis à dumander à Psammenito la causa da sieu crider. Numnedamaing, perchie chia el nun hegia pü bod crido sur seis juvens infaunts, co sur quist velg hom sulet, ilquel pero nun pudes viver loeng, ne l’eira paranto ünguotta? Co ho Psammenitus respundieu: Dsche à Cambyse: Domestica mala esse majora lachrymis, [f. 19a] que ais, chia la dischgrazchia, chi’ ün veza als ifaunts, ù vi à seis d’chiesa, saja pü granda, co chia ün la poassa crider cun larmas avuonda. Quista respoasta ha plaschieu zuond bain à Cambysi, et peraque schi cumandet el, chia dessen
