|
Alchiünas Bellas et Nüzaivlas Histoargias |
37 |
dagls pajais, mo pero el vandschet saimper, cun persa pero da grand poevel. Cura chi’el turnet da quels pajais, schi pigliet el per duonna la figlia da Dary, üna zuond bellischma femma, et fet noazas cun ella in la cited da Susa; sün laquela noaza fütten 9000 Persers, alsquels el dunet ad iminchiün ün grand bachier d’or. Mo à seis Grecs, ’s inclegia à quels da sieu egien reginam, dunet el 60 tonnas d’or, chia pudessen iminchiün pajer lur dbits. Alla davous eis el moart a Babylon, chi’el havaiva 32 ans. Nun ’s so per cert, scha el saja tus-chianto da sieu egien Magister Aristoteles, ù scha el’s hegia mazo cul baiver, siand el in cumpagnia da sa signuria sün ün pest, chi’el svessa fet piner, zieva chi’el fü turno dal Indias. Havet ün filg et üna figlia, ma siand aunchia juvens et poch scoarts, füt sieu imperi zieva sa moart partieu in 3 parts: in il reginam dalla Macedonia, dalla Syria et d’Aegypto. In la Macedonia gnit Cassander, chi schdrüet Olympiadem, la mamma da Alexandri, et tuot sa posterited, in la Siria gnit Seleucus Nicanor et in Aegypto gnit Perdiccas. Quists tuots eiran seis servituors, chi cumandaiven sur quels pajais. [f. 17a] Philonicus da Thessalia mnet à Philippo, Rag dalla Macedonia, bab d’Alexander il grand, ün miravglius chiavalg, scha el il vulaiva cumprer, chi havaiva il chio sco ün bouf, quinderno gniv’el numno Bucephalus, et eira zuond superbi et g[i]all. Per quist chiavalg dumandaiva Philonicus incirca da 8000 curunas, u 20000 rainschs. Cura chia vuletten pruer quist chiavalg, scha el giaiva bain da chiavalchier, nu l’pudaiva üngiün aredscher u dumas-chier, bgier main ir à chiavalg. Inuonder chia Philippus eira commuanto da l trametter davent quist chiavalg, siand chia el eira uschea üna bes-chia indomita. Cura chia Alexander udit et vset que, giavüschet el, chia l’daiven ün po lascher pruer eir el, chi’el il vules bain redscher et manadscher. Seis bab Philippus gnit squasi grit, chia el, siand ün infaunt, vulaiva pruer ün fat tel, chia niaunchia glieud veglia, bain adüseda, nun havaiven pudieu fer. Ma pero tres lung contraster Alexander füt exodieu, et obtgnet sa dumanda. Co giet el tar Bucephalo, il pigliet per la chiavazina, l’vulvet cun la testa vers il sulalg, perchie chia el observet foarza, chia quist [f. 17b] chiavalg tmaiva sia egna sumbriva, tschantschet cun il chiavalg, lam lam, l’glischaiva et faiva cleg cun ün maun sün il chiavalg, et dandettamaing saglit el à chiavalg, l’tgnet sald per il frain, sainza batter u l’tuchier, infina chia l’chiavalg ’s balchiet ün po et laschet uschea da s-chimêr; alura laschet Alexander il frain larg, et il laschet cuorrer cun tuotta foarza. Philippus gardaiva zieva giand seis filg cun granda tema et schnuizzi, ma cura chia l’vset, co chia seis filg Alexander vulvaiva et aredschaiva uschea belg quist chiavalg, et huossa gniva inavous vers els, chia tuots, chi eiran alo preschaints, s istupiven, cumanzet Philippus per
