 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 35 |
mo la natüra vandschet, chia el se turnet, et tres operatiun et virtüd da quista maschdina in pochs dis füt [f. 14a] el saun et s-chiape(l)[t], chia el pudet ir incunter à Dario, ilquel mnaiva cun se 600000 sudos, et il vandschet et dischfet tuot quella granda armeda. Darius fugit, mo gnit persequito dalla sudeda da Alexander, et gnit clapo dad ün sudo, chi havaiva nom Bassus, ilquel l’amazet et purtet la prüma nova ad Alexandro, pissiand da artschaiver na granda peja; mo Alexander, impe da l der peja, il fet squarter traunter duos boas-chs. Üna gieda dunet il Rag d’Albania al grand Alexander ün grand chiaun. Alexander, per pruer, scha l’füs ardimantus et bref, fet mner aint in üna chiambra ün uors, inua chia l’chiaun giaschaiva. L chiaun guardet bain l’uors, ma staiva salda, sainza ’s muanter ünguotta, nun urlaiva nell’ünguotta. Co fet Alexander mner aint in que medem gieben ün püerg sulvedi et ün ciervi, l’chiaun nun ’s indaiva ünguotta nell’da quists, ls guardet nomma, ma stet saimper à terra giaschanto. Co gnit Alexander gritt et cumandet, chia daiven mner davent quella bes-chia et l’amazer, perchie chi’el nun havaiva üngiün ardimaint. Mo cura chia ’l Rag dad’Albanas (m’he falo, vulaiva dir da Albania) savet que, [f. 14b] schi ’s arüvlet el fich, chia nul havaiva informo melg Alexandrum dallas bellas qualiteds da que chiaun, et peraque schi l’tramtet el aunchia ün dalla medema grandezza et natüra, et l’fet dir, chia nul’des pruer la fermezza da que chiaun vi da bes-chias pitschnas da poch momaint, mo vi da grims liuns et elephants; chia el hegia nomma hagieu 2 da quels chiauns, l’ün saja gnieu mazo imprudaintamaing, quist oter duna el eir huossa ad Alexandro, na sullettamaing, per chi’el cugnuoscha il fat comis vi dal oter chiaun, mo eir, per chi’el sapchia zieva ir pü cautamaing. Alexander suainter quista advertenscha, per pruer il chiaun, fet mner aint in üna chiambra ün grim liun. L’chiaun co dalungia l’saglit alla vitta, et in il prüm boat l’rumpet el il culœz al liun. Pür alhura havaiva Alexander sieu grand delett à vair quist bel spectacul. Fet gnir aint ün grand elephant. Cura chia l’chiaun vset l’elephant, schi cumanzet el à trambler dalungia, zieva ad urler fich et à saglir da tel soart, chi’el havaiva fat gnir taunta puolvra, chia nun ’s pudaiva ne vair ne udir, ma pür alla davous pigliet el üna tremenda scuorsa et clapet (Fehlen 2 Seiten.) [f. 15a] displaschet fich a Medea, ma pero ella zupet sieu oedi infina sün il di, chia Iason faiva noazzas cun Glauca. In que tramettet Medea à quista spusa nova üna bellischma schoachia, chia ella des trer aint, et üna liadüra. Mo quista schoachia et liadüra eiran tres indschin drizedas uschea, chia, cunbod chia Glauca las traiva aint et gniva alla clarited, chia ella stues murir, perchie chia pigliaiven fœ da se svessa, chia üngiün nun savaiva, siand chia eiren strichiedas cun nafta. Cun ocasiun dalaquela nus
3*
