 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 33 |
aregner sulet, amazet el sieu frer il pü juven, Pantagnotum; il oter, Syloson, tramtet el in exili. A quist Polycrates riuschiva tuot uschea bain, chia el nun [f. 11b] gnit sullettamaing ün signur sur Samo, mo sur tuottas las citteds circumvicinas. Tuot que chi’el piglaiva à maun, sucsedaiva bain; inua chi’el cumanzaiva guerra, schi guadagnaiv’el. El havaiva granda amicitia cun Amasi, Rag da Aegypto. Quel, cura chia el udit la granda fortüna da Polycratis, il scrivet üna chiarta, in laquala chi’el dschaiva, chia l’füs adachier, chia ad el, taunt co à sieu amich, gies bain amaun. Ma pero chi’el haves grand suspett d’üna tel granda fortüna, et chi’el il cusgliaiva, chia l des bütter davent que ch’il eira il pü chier, chia el me nun pudes chiatter pü, aciochia el maschdes aint üna tel granda fortüna ün po d’dischgrazchia et adversited. Polycrates pigliet sieu sagie in ilquel eira fassagieda aint üna zuond custaivla peidra, vo sün il mer, et bütta il sagie luaint. Ma chie iscuntra? Pochs dis zieva gnitten ünzachie pes-chiaduors, chi paschchietten lander intuorn et piglietten ün grand pesch; quel dunettane els à Polycrati. Cura chia l’pesch füt aviert sü, co chiattetane il sagie in il vainter dal pesch. et uschea cungiüsted Polycrates darchio sieu batschier. Quist gnit à savair ad [f. 12a] Amasi. Quel scrivet darchio à Polycrati, et il renuntiet sia amicitia, cun dir, chia füs impossibel, chia sün üna tel granda fortüna, nun des gnir üna granda dischgrazchia. Que chi bod zieva dvanted eir. Perchie ’s haviand Polycrates piglio avaunt da piglier aint las islas dal meer Ionio, füt el admonieu da sia egna figlia, chia nul des fer que, perchie chia ella’s havaiva is[s]umgieda dad’el, chia el füs gnieu trat in l’aër et gniva lavo da Iove, et chi’el gniva üt dal sulalg. Polycrates nun ho vulieu sgunder ilg cus[s]alg da sia figlia, mo eis trat in guera. Cura chi’el gnit à Magnesiam, co füt el clapo dals citadins, ilsquels l’fetten üna sgrischusa moart, et l’apendetten alhura sün ün boes-ch. Et uschea gnit vair il soemmi da sa figlia, perchie, cura chia pluaiva, gniva el lavo da Iove et, cura chia daiva il sulalg, chia l’guttaiva il grass da sieu chiüerp, schi gniv’el üt dal sulalg.
Davart il funerael da Alexandri il Grand.
XII.
Siand Alexander il Grand moart, eis sieu chiüerp gnieu miss in üna chiascha d’or et purto ad Alexandriam cun granda [f. 12b] pompa et reverentia, Et eis gnieu cumpagno da bgiers Rags, Princips et oters grands signuors, ilsquels havaiven aint à maun sieu testamaint et l’vulaiven metter ad effet. Ma aciochia il lung viedi, chia havaiven da fer, nuls pares memma greif u tedius, ’s haune accordos insemel, chia iminchiün des dir qualchiossa da quel, chia sepulivan. Il prüm dschaiva: Alexander sulaiva
| Rätoromanische Chrestomathie VII. 1. | 3 |
