 |
Questa pagina è stata trascritta e formattata, ma deve essere riletta. | |
| 30 | Alchiünas Bellas et Nüzaivlas Histoargias |
fet ün mül, chi eira üna chios[s]a me pü udida. Quist Zopirus eira ün dals principels cusgliêrs et amichs da Dary. Ilquel tres quist signel eis gnieu certifichio, chia Babylon daiva huossa gnir piglied’aint; vo tar Darium et l’imprumetta, chi’ el l’vœglia zieva 19 diss der aint a maun la citted, nomma chia Darius l’trametta zieva 10 dis 1000 sudos avaunt la citted, et zieva 10 oters dis aunchia 2000 homens. Ilquel Darius impromettet da fer. Zopirus sün que vo dalungia et’s taglia gio las uraglias, il nês et ils leifs, et uschea tuot schdischagio cuorra vers la citted da Babylon, vain clapo dals cittadins. Siand el uschea dimena lio, schi ls diss el, co chia Darius l’haves uschea mel tratto, per els, et mel procedieu cun el. Quels da Babylon il crajetten, chia que füs il vaira. 10 dis zieva gnitten ils 1000 sudos da Dary avaunt la cited. Zopirus giavüschet dals citadins, chia l’dessen lascher ir our, chi’ el vules sgrimmagier [f. 8a] cun quels sudos, piglia varcequaunts cittadins cun se, vo oura et mazza ils 1000 sudos da Dary, sieu Signur. Tres quista vittoargia obtgnet Zopirus in la cited grand lod et hunur. Zieva 10 oters dis gnitten eir ils oters 2000 sudos da Dary, ilsquels Zopirus amazet sumgiauntamaing. Cura dimena chia ls Babyloniers vsetten, co chia Zopirus cumbattaiva per els, pissettane els, chia Zopirus fes que da bun cour, et il dettan aint à maun las cleffs dalla cited et uschea tuotta pussaunza. Alla davous gnit Darius svessa cun sieu armeda avaunt Babylon, perchie uschea eira adacoards el et Zopirus. Co l’tret Zopirus our incunter cun las armedas dals Babyloniers, et nun il det sulettamaing aint à maun il poevel, ilquel fütt tuot amazo da Dario, mo il mnet eir aint in mez la cited da Babylon. Uschea füt Babylon, quella granda citted, da Dario tres agiüd da Zopiri piglied’aint; mo Darius zieva tagliet ün pom ingranieu in tocks, dschand, chi’ el vules pü gugiend ün Zopirum intêr, co 100 Babylons.
Nota.
Quist eis ün exaimpel d’ün fidel sudo; à dutschs pleds nun ’s sto saimper crair.
[f. 8b] Davart l’Arag Mithridates.
V.
Mithridates eis sto ün Arag in Ponto, uschea pussaunt, chia el regnaiva sur 22 reginams, et alotiers da taunta excellenta memoergia, chia el [ho] savieu 22 linguags, et a tuots seis subjetts savaiva el pronuntier lur santenzchia, cur chia d havaiven qualchie dispütta traunter els, in lur egien languag, sainza üngiün tolmetscher. Et nun ho sulettamaing chiatto no svessa bgierras bunas maschdinas, mo tres grand üs d’iminchiadi ho el drizo our taunt in sieu chiüerp, chia üngiün toessi, quaunt ferm chia quel
