 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 27 |
veng respetteda dals dex et dalla glieud. [f. 3b] Eau sum üna chiera compagna dals lavuraints in lur lavur. Eau giüd parsurgier las chiesas; sum üna agiüdaunta dals stüdents in lur studi, dals purs in la terra, dals sudos in las bataglias. Il baiver et mangier fo bum pro a meis amichs, perchie els spettan, infin chia ls vain fam. Il durmir eis ad els pü dutsch co meil, quel pero interlaschane eir gugiend per la lavur. Ils juvens ’s allegran, cura chia vegnen ludos da ls vêlgs; ls vêlgs ’s allegran, cura chia vezen, chia ls giuvens acquisten hunur. Alla davous, cura chia il term da lur vitta eis arivo, schi nun mourane els sainza hunur, mo resten in æterua memoergia et viven in ils anims d’iminchiün, schabe chia sun moarts. Tela glieud sun stos teis vêlgs, ô Hercules. Schi tuochia, chia tü, siand lur filg, ls sguondest et giajast per la via, chia eau, chi sun la virtüd, at vœ musser. Tres quist tschantscher eis Hercules gnieu commuanto, chia el eis alvo sü da sieu lœ, ho zappino [f. 4a] culs peis la volupted, eis ieu zieva la virtüd, et ho tres granda fadia et diligientia drizo our taunt, chia el zieva eis gnieu tgnieu per ün Dieu.
Nota.
Quist exaimpel da Herculis dessen seguitter tuots juvens, aciochia nun ’s laschen surmner dalla volupted. La virtüd maina à grandas hunuors.
La vitta et ls grands Fatts da Herculis.
II.
A me nun ho vivieu ün hom, ilquel ’s hegia congiüsto uschea granda hunur et imortel lod tres sia giagliardenscha et fermezza dal chiüerp co Hercules. Perchie, cura chia el eis gnieu in il muond et chia el havaiva mela paina ün di, sun gnidas our da sa chiügna duos grandas zerps, chi l’vulaiven mazzer. Quistas ho el piglio in tuots duos mauns et las ho smachiedas, chia sun moartas. Siand el gnieu grand, eis el carschieu aunchia taunt pü co ün oter hom; ho hagiu trais lingias d’daints in buochia. Dintaunt chia el eira aunchia ün juvnet da 14 ans, eis el currieu in il god Memeam, ho clapo ün grand et ferm liun per la testa [f. 4b] et l’ho sdraccio in tocks. La pel da quist uors ho el saimper purto intuorn sieu chiüerp per vestimainta. Bod zieva eis el gnieu tar Thespis, Rag in Boeotia, ilquel havaiva 50 figlias, . . . . iminchiüna parturit ün filg. Ad eira eir ün Rag in Helide, chi havaiva nom Augias, quel havaiva in üna stalla 3000 boufs, et cumandet ad Hercule, chi’el des in ün di mner our da quella stalla tuot que aldüm, perchie chia d eira ün grand mantun; que chia Hercules fet eir. Ad eiran 3 sruors in Africa, chi havaiven nom Aigle, Aretusa et Hesperitusa,
