eir s’ florescha baut, ’l cor chi es à Dieu surdat. Els interim giauden, s’ containten & s’allegran della spirituala & interna pace chi trapassa il captum & intellet human; primò cun Dieu, in Christo cū els placá & reconciliá: lhura cū se sves, in il jüdamaint della vera allegreza [fol. 3b] & contanteza da lur cor & anim: tandem cun lur frars & confederats in la religon & cretta, del consensu & voluntat dels quals, els s’ tegnen būs & fan granda ’stima. Chi s’ fortifichen pür & s’ confermen ils Crastians carnals & Mundans, in lur calamitat cū la lege della natüra, cü la fatala necessitat, cun la lüm del jntellet, cun il exempel dels oters, cun il usu del temp & oters tals impotents arguments, sperand cun quels da podair emerger & s’extricar or del vortice & virbel del cōtrari; els vegnē á perder il früt da tal confort. Jl Bab dellas comiserations ha provist sia sudada cun üna divina panoplia & armatura & impli lur cors cun dulcissem lamjamaint da salüdaivlas consolations; tras il qual tot els, sine vents naturals, dovrand ils rembels della gratia, la vella del sanctuari da Jehova & l’ancora della spranza, supereschen il grand Oceano dellas persecutions & passen tras il impetuos Pelago da tots surmaduors, & sco constan ta & fidella sudada da Christi, haviand deponü la sarcina & valisch del pucca, combatten sot secura spranza della victoria, valerosamang contra tots lur inimis. Duas richas fontanas da tallas efficaces consolations sun a no apertas in las divinas scripturas del V. & N. T. Una es abundante da dutschas promissions, chi lamiajen ils cors languents: L’otra es plena da glorios excempels, chi splēduren sco Perlas & pedras preciosas: or da quella vegnen ils anims smarits & à terra büttats, darcheu allegrats & in pe drizats, tras la contemplation dellas personas, dels temps, dellas mutations della Baselgia, chi baut sco la luna calla & pigla gio, baut darcheu crescha & s’adampja, & dellas periodos della Baselgia huossa militante & fluctante, baut emergente & victorizante. Jl qual tot es comprais in las prædictions del Spirt S. in il Thesaur alla Baselgia solùm considá & in seis ravuolg reponü. Mo il plü vain quai representà in la divina Apocalipsi da Johañis il sanct Theologi, plena da Mysterys, chi sū tras il complimaint dal temp baut aperts & manifests, la quala propona la incunabula, incremēta & progress del Reginam da Christi, las combattas dels sancts & las miraculosas victorias contra il Dragun cotschē & seis perniciôs & periculôs instruments. Che havess podü gnir ordinà, mossà & revelá, per bain, secureza & cōfort della Christiana Baselgia, la quala vain del Mond & seis principe [fol. 4a] da contin oppugnada & ãgoschiada, plü Divin & excellent, co las gloriosas prædictiōs & Prophetias, in part completas, in part chi in il compliment del temp han da gnir complidas; davart la forza da l’üna & davart il ingañ, astutia & conats da l’otra, Bestia; davart il interior & exterior habit della Putana Babylonica;
