 |
Questa pagina è stata trascritta e formattata, ma deve essere riletta. | |
| 230 | Dominic Secka |
Moura ad ün chiar filg, ch’el s’impaissa che bacun Abraham stovet digerir, cur el arfschet comand d’offerir sü à Dieu seis solet filg dilet Isacc: che (r)[t]ristezza haun tgnü la Vaidgua da Nain, Luc. 7. Alla quala morit seis solet filg, il bastun da sia velgdüm. Mora ad ün qualchün ün filg timorus da Dieu è bain nad, schi ch’el s’allegra d’havair observâ in el las primitias del S. spiert segnats da sia cretta & beadenscha, è s’impaisa che dolur sia quella cur ün stova vair la mortd’ün filg empi è dissolut.
Moura ad ün ün uffant tras malatia è natürala Christiana mort: ch’el s’impaisa sün quels padernurs ils quals tal votas haun stovü vair üna mort violenta ù eir ignominiosa da lur uffants. Ditta’m, Auditurs, che granda dolur havetten nos prims padernurs per vea da lur dus filgs, l’ün dels quals mazet l’auter? Che grãda tristezza vezet Aron in seis duos filgs, ils quals per havair sacrifichià al Segner eister fœ, gnitten cossümads tras il fœ: & el Aron non podeiva trar aint ingün vistmaint da læd ne far cordöli? Lev. 10.
Che dolur havet Eli per vea da seis duos filgs. El inclegiet chi fuossen gnüds per la vitta in la battagla; è chia l’Arca della Ligia fuos praisa dals Filistiners, sa smarit in tal möd, ch’el det inavo, s’ rompet il culöz è morit. 1. Sam. 4.
Lonsch plü granda fuo l’anguoscha del Raig Zedechia, cur seis uffants gnittan l’ün davo l’auter avant seis ols mazads & à del gnittan chiavads oura ils öls, è manà preschun in Babilonia.
[fol. 4b] Finalmaing craiai fermamaing chia tala visitatiun sea à prus padernurs nüzaivla. Chi non veza chia no Crastiauns nos cors massa fick vea dellas chiaussas terrainas rantain, è l’androura ingualmaing ün Idol fain: stovan pertant esser crafftaivels mezs è fermas chiadainas per chia no vegnen dallas chiaussas terrainas retrats è pro Dieu sü in Cêl menads. E quista es la causa ch’el spessas voutas ins piglia davent quels chia no in la presenta vita havain tgnü per ün tesaur: Accio chia quatras s’ complescha in no quaj chia Christo disch. Math. 5. 21. Ingio vos thesaur es, qua es eir vos cour. Per chia no dian con David el non vain à tornar pro no, ma no gnin bot à gnir pro el.
Con quist ins desno confortar in la mort da nos Frar defunt, el es tut davent da seis padernurs, per ch’els sün in Cel plü sovent s’impaisen pro el bot da podair ir braman è giavüschan. Quel nos defunt frar in Christo da prus è fidels padernurs nad, in la vaira Christiana Reformata Religiun allevâ, in las scolas à cognoscher Dieu è quel ch’el ha tramis Jesum Christ informâ, da juven in sü imprais la pietà: insembel con il lat matern la temma da Dieu, il principi d’ogni sapienza, il compendi da
