![]() |
Questa pagina è stata trascritta e formattata, ma deve essere riletta. | ![]() |
Cordial Cufort | 229 |
con indubitada beada spranza ch’el sün il Juvnessen dy con granda gloria vegnia à resüstar. Con ün plæd, els bandonan infinita miseria, crusch, tribulatiun & anguoscha.
Volaivet huossa savair quaj ch’els all’incontra survegnen in pe da quaj ch’els haun bandoná: schi sapchiat ch’els acquistan quaj chi es lönsch plü glorius. In pe da quist muond vegnen els in il Cœlestial Paradis, davart il qual disch l’Apo: S Paulo: ch’el haja udi chiausas ineffablas siond stat allà transportà. In pe del Tabernacul terrain del corp survegnen els la gloriusa fabrica chia Dieu svess ha far in Cel. In pe dell’allegrezza da quist mond chi non es auter co üna sumbriva, acquistan els la Celestiala: ingio els vezan Christo da faccia in faccia, ingio ils elets Anguels & ormas sun raspats, ingio las Cittras Celestialas strasunan è Dieu vain lodà è glorifichià con Musica Angelica. Id es bain vaira, eug confess chia Pedernurs s’allegran da podair surviver è vair lur filg in il stadi matrimonial compagnià, da podair sias nozas con allegrezza celebrar: Ma non dess esser di gran lunga plü granda lur allegrezza ch’el sea con il spiritual è Celestial spus JESU CHRISTO compagnâ, è tras la temporala mort in la Sala dellas Celestialas nozzas manâ? sainz’alchün dubi scha nos frar defunt, quel amâ & cast Juven, podes tschantschar à seis afflits Pedernurs, schi gnis el à dir: Perche, ô meis [fol. 4a] chiars padernurs eschet usche fick conturblats sur mia partenza? Ah nu’m invidiarai la grand’allegrezza ch’eug n’haig in Cel! Che n’haig eug fallâ chia vo ’m vollessat darcheu gia vüschar in quist malsavuri mond? Eug craj bain chia quaj dvainta tras cordial amur. vo s’havesset allegrats sch’eug fuos stat àmo ün pa pro vo: Ma s’allegrâ ch’eug sun huossa pro meis Bab Celestial. Vo speravet ch’eug gniss ad esser il bastun da vossa veldüm, l’allegrezza da vos cors. Ma s’allegrâ ch’eug sun in la compagnia dels Angels è beats, s’ cuffortâ è sperâ farmamaing chia ’l Segner vegnia ad esser il ferm bastun & confort da vossa veldüm è chia bot vo vegnat à gnir pro maj.
Il terz Cuffo(t)[r]t. Huossa im para ch’alchüns dà vo s’impissarat è dscharat. ô Dieu no savain bain eir no chia per el nō esi da cridar, mà ides da far per ils padernurs chi sun privats da quel cuffort ch’els havessen tgnü qui sur terra da lur chiar Filg. Gni naun dimana tadlâ per vos cuffort è considerâ con maj las sequentas chiaussas: sapchiat chia quaj chi es scuntra à vo; es scontrâ è scontra à blera milliera d’ Christiauns iminchiady: perche s’ dessat dimena laschar parair sco chi sa scontres chiausa strana & inusitata? Melginavant conferi vos stadi con il stadi da dautra glieut als quals es scuntrà plü granda tristezza co à vo, schi gnivat à cognoscher chia Dieu gea intuorn con vo gratiusamaing, è chia vo inchiamo hajet dal ingraziar.