 |
Questa pagina è stata trascritta e formattata, ma deve essere riletta. | |
| 226 | Dominic Secka |
ün exaimpel da fragilita humana, siand che’l trapassa la debita masùra è mala paina s’ lascha cuffortar.
Perchia no dimana in tal câs non aidan sco ’ls Pajans, ils quals davart la Resüstanza non saun, schi n’haig tut avant maj per cuffort dels padernurs de nos defunct, sco eir dad auters als quals l’istes es incontra ù incuntrar podes da discuorrer. Da che fidels padernurs cura ch’els tras la mort temporala da lur chiars uffants vegnen privats, hajen da s’ cuffortar.
Mà sco chi’ns vegnen avant in tal Câs da trais sorts personas: Cioè Il Bab Celestial, dal qual quai dvainta: l’Uffant il qual vain tut davent: & ils Padernurs chi cridan la partenza da quel: Uschea havain pro la consideration da scodüna persona, da ’ns confortar singularmaing.
| [fol. 2b] | Jl prüm cuffort. |
Schi deriva dimena il prüm cuffort our dalla consideration da quel dal qual tal ouvra proceda.
No Crastians non ins podain mâ quietar in nos accidents, ô pöja chia no sün sün la providenza da Dieu guarden. Perche sco no pissain in üna mal’aura chia Cel è terra voglen ir in ruina, siand però sur las scüras nüvlas il Cel zuond cler: Uschea in ils caâs all’improvista pissaino sovent chi sea spedi con no: ingio però scha no sün Dieu guardain schi non chiattaino auter co üna amabla ordinanza, chia no stovain dir quai es dvantâ dal Segner scha bain chi ais chiaussa strana avant nos ols.
Non testifichen las S. Chiartas da pertuot. Chi non scuntra al Crastian la minima chiausa sainza la gratiosa ordination da Dieu.
Psalm. 129. Non es el quel chi forma il Crastian in il vainter della Mamma?
Non es el quel chia ha scrit il mais è dits, avant ch’el vegnia in il Mond?
Psalm. 22. Non es el quel chi tira il Crastian our del büst della Mamma?
Non es el quel sün il qual il Crastian sa poza dalla matrize in naun?
Math. 10. Non es el quel chi dombra tuots ils chiavels da seis cheu?
Psalm. 56. Non es el quel chi dombra tuottas las larmas ch’el spanda in sia adversità?
Non es el quel chi ’l redügia darcheu in polvra, & disch: turnà darcheu filgs della glieut?
Scha dimena vo craiaivet chia quaj tot vegnia da Dieu, schi perche non s’ dessat patientar sot sia volontà. Schi haveiva nom pro Seneca ün Pajaun. Tuot quaj chi plascha á Dieu dess plaschair eir à no solùm per quaj, siand chi plascha à Dieu. Non dess bler plü havair nom pro no Christians ils quals segund l’information da nos Celestial Magister iminchiady orain: Tia vogla dvainta ils quals savain, chia la vögla da Dieu, sea
