 |
Questa pagina è stata trascritta e formattata, ma deve essere riletta. | |
| 224 | Ulric de Salutz |
è güdan mai, cun agüd è cossailg, sco quai ch’[p. 494] els vulessen chi fuoss fat è tratà cun lur agens Infants, sch’els fossen in tal stadi: Schi impraista tia Divina gratia, ch’eug ad’els in tots drets fats obedescha, ma à saimper tchainta mia spranza via tai meis Vivaint Deis, meis Segner è Bap, ch’eug in tota mia afflictiun reista fervent via tai cun mias oratiuns, è di è nott: Retscha tü meis Segner, è Bap, meis far è laschar, meis corp, mi’orma, meis tschantschar, meis impissamaints, in tal möd ch’eug à tai possa plaschair, & à l prossim nun detta alchün scandel: Schi da ch’eug in Sancheza, pietà, honestà possa ngir elevà, è ch’eug possa saimper splendurir in totas bunas virtürs avant tai, & avant ils crastians.
[p. 495] O Segner, Omnipotaint Deis, da ch’eug totas bunas admonitiuns, tots Paterns oder Materns avisamaints pilgia sü in buna part: Eug cognosch tai, meis Segner, per il vair Bap da’ls Orfens, seast tü, da mai chi sun ün pover orfen eir meis Bap, eug tschaint mia spranza è fidanza via tai: O chia tia fideltà sea saimper cun mai! O chia teis cor da Bap sea saimper avert vers mai! O chia tia bunta abratscha mai! O chia tia gratia sea saimper pro mai! Tü meis Segner sulett poust quai far: Tü sulett poust dar ch’eug sea à qui amà, impro sch’eug nun fuoss à qui ne amà ne stimà, schi da à mai üna tal pietà, ch’eug da tai possa saimper esser stimà & amà: La gratia da JEsu Christi, l’amur da Deis il Bap, il cufort da’l S. Spiert sea cun mai, huossa è saimper. Amen.
