 |
Questa pagina è stata trascritta e formattata, ma deve essere riletta. | |
| 164 | Remedis da erbas et ragischs |
Externamaing per ilg Schwindel.
A far ün cranz cun poleta, et purtar sün cheu, guarescha ilg Schwindel.
A smazuchiar polleta et applichiar per mal ils gialuns, serva zun bain.
Tal herba dess havair seis nom quandarnaun, chia ad arder sechia od uschlöia à far furment cun tuot, dess schiatschar ils pülschs.
Remedis per la guotta internamaing.
A couschar la ragisch da renna od l herba in vin et baiver, es bun per la guotta od Tropf, mal da crudar veia, gramphchia et tuots auters manchiamaints da nerva, chi dependen da fradur promova [f. 76a] brichia suletamaing lurina et mal da peidra, dimpersai eir il flüs ordinari dallas femnas, sco eir ilg früt mort in il bust dalla Mamma et part davo, quietescha il mal dals gialuns et dalla bolgia, d erva il corp, promova las süiors, la hydropiseia et gialdüm.
Remedis cunter il mal da crudar veia internamaing.
Aqua destilada da lindenbaum cioe dalla flur, la qualla vain data da baiver per quel mal.
Talla agua es eir buna per il madrun, serva eir per la bölgia offaisa davo il mal chiotschen.
A couschar las fölgias in agua et baiver, promovan l’urina et ilg flüs dallas femnas.
Ilg früt clet a dret temp et fat in puolvra, vain luda in mal chiötschen et flus da vainter, sco chia dün tschert temp es stat conserva bler poval da guera tras quel remedi.
Deto früt a travuonder des farmar ilg saung dnas tenor fat l’experientia in ün grond personal.
A baiver zü da planten, chi voul dir herba da tsching costas, es bun per quels chi sun suotaposts al mal da crudar veia, es eir bun per stretura da pet.
Serva eir pro tuots manchiamaints chi flüsaian massa our dal ordinari.
Externamaing.
Planten masda cun sal et applichiar, fa ir davent ils guoters. Alchüns metten solum la ragist intuorn calöz in ün fil per quel manchiamaint.
A tschasantar il lat dallas dunans, cur chi zaivran ils uffants, à strichiar ils chiavadeus cun deto zü da planten, fa bain bot tschasar il lat.
A couschar la ragisch da planten in agua et lavar oura la bocca [f. 76b] à vero tngiair in bocca plü chiaud chi spo, pilgia veia la dolur dals daints od eir a maschiar suot ils daints, dess far il simil.
Dal plantan agü a tour 3 fölgias et las tngiair in bocca, schi nun t offenda ingiün àviöl, cur chi s ha da far cun els.
La chiaminella à couschar in aschai et meil, es bun per quels chi
