 |
Questa pagina è stata trascritta e formattata, ma deve essere riletta. | |
(SEQUE) REMEDIS DA ERBAS ET RAGISCHS,
chi servan pro manchiamaints da tuot ilg corp humaun, sco eir divers remedis per la (s. h.) muvaglia.
(Ineditum nach Ms. Ste.)
Primo per conservatiun dalla sanadat.
[f. 71a] La puolvra da grofels raduonts à tour taunter la spaisa conserva ilg chrastiaun in seia sanadat, mitigiesscha las doluors chi dependan da fradur.
A smazüchiar grofels et masdar insembel cun alg cot et tour aint, es bun per ilg madrun.
Grofals masda cun rascha in forma da phlaster et applichia, disfa ils guoters et eir autras uffladüms düras.
A masdar cun meil et strichiar, fa ir davent las macclas in la fatscha.
La reobarbara, à tour iminchia damaun da jajün ün quintal rheobarbara cun mastigs, et masdar cun züchiar et maschiar, fa bun fla, promova la pituita dal tscharve et fortifichia ils sens, s-chiauda ilg stomi, et serva pro la conservatiun dalla sanadat, sc(h)riva Novovillanus.
La giansauna, à baivar ün quintal zü squitscha oura dalla ragisch, dess schiatschar las fouras dallas costas in mal da puonchïa, medem zü à metter in las uraglias dess mazar ilg[s] verms, chi sun in quellas.
[f. 71b] L’Aloe, à tour iminchia di taunt co 20 gr., conserva il chrastiaun da malateias contagiusas, in las apotecas vain prepara our dal’Aloe, mirha et safraun las pillulas pestilentialas, chi voul dir cuntar la pesta.
A masdar Aloe cun meil, feil bouf et aschai insembel informa da phlaster, et applichiar à l umbli chiaud, s-chiatscha ils verms.
Remedis per tuots manchiamaints dal chieu.
Una preciusa medicina per quels, chi haun pers l’udida.
Piglia il früt dalla savina, couscha cun laindoter öl nomina sesminum. in ün vasche d’arom infina ch’el vain nair, meta da det öli 3. vel 4. guots in las uraglias, dess havair grond effet.
A couschar savina cun groma da ün bun üt per la tegna, à strichiar sül chieu, per quels chi haun dificulta da trar il fla et chi haun gronda impuritat
