 |
Questa pagina è stata trascritta e formattata, ma deve essere riletta. | |
| 152 | Cudesch da maschdinas |
Ais ün crap cotschan. Piglia polis, da quella auschiglia chi faun cotschen igls cluchiers, et erba d buolg et rascha. Fa ün plastar et meta sü. In 8 dits sara ferma et bot guari ourdvart tuotas autras materias.
[f. 84a] Ais bön, cura, tü hasch ün schnuoigl, chia tü non pousch passar sü sura per la dolur, chi ais cotschan et impa ufla, schi piglia as[s]ens frais-chs et c[h]iaminela et herba da chias[ch]ouletas, zapa manü et luhra piglia ün paun furmaint et la tchiavra. Fa üna put, lascha couschar fina chi ais chiarinamaing süt, et luhra leia sü pü chiaut chia tü pousch indürar, duos od 3 giadas. Ngara bot bön.
It. per indürir madem flegiel, schi piglia, a far chi vegna pü bot ad ir a la lavur, föglia da suvü et eir as[s]ens frais-chs et ambrösan. Zapa manü, meta üna fracla d vin, lascha couschar bain. Sara in duos dits, cun agiüt da Dieu, fin.
Cura tü vessas üna schluguodüra od ruotadüra chi fuos guari tort od chi ta dess dolur, s[ch]’tü lessas far schbuglir, schi piglia savun nouf, ma duvra, meta aint in ün pa d aua, in üna c[h]iaza, et lascha ngir teva quella agua et savun. Et luhra piglia meta igl nember sur igl bras-chier, strichia cun quella agua bain, per fina chia tü saintasch, chia igl ardupal ess ngü sc(h)o passta. Lura tira à lö, fa sü bun schilonar, lascha quell schilonar part da ot dits. Sara guari.
[f. 84b] Ün üt per plagias, prua in Franscha.
Piglia suonscha da giata et mizcuogl bouf, rascha da schember, quai l ün sc(h)o l autar. Lascha tour fö et lascha ngir brün, et luhra lascha ir tschaira nouva laint, taunt co tü faschs igl üt, bler od pac, cio[e] ün ⅓.
Per döglia sechia.
Ais (b)[p]ruva a tour ragischs (üna) gianzauna, et fa puolvra. Piglia in pa t vinars, fa pasta, meta sün üna peza cotschna, meta in igl lö da igl mal. Luhra piglia ulina da ün puob, cun frina da bren seial, eir in pasta, met’in igl lö da igl mal. Ais bön pruva.
Per ilg mal ilg chieug da paglioulaintas.
Piglia sem pule et fa puolvra et piglia herba da renna et sprinzla cun vin et meta in üna chiazeta et lascha ngir chiaut, et meta sün la funtana da igl chieug, schi, cun l(a) [a]giüt da Diou, ngiavaia bön.
Ün üt per botas et refras-chiar la nerva.
Piglia paing frais-ch, fat [igl] mag, et ginaivra verda et mizcuogl bouf, et meta in ün moscher et smachia insembell, et meta in ün test sur fö et lascha buglir et cula tras ün pez, schi giüdaraia, cun l(a) [a]giüt da Diou.
