 |
Questa pagina è stata trascritta e formattata, ma deve essere riletta. | |
| Cudesch da maschdinas | 141 |
Per dunauns chi daun teta.
Per far bun lat, desla tour et mangiar ün puogn ginaivra, et mangiar, scha ella po. Non pola, piglia intuorn nouf ginaivers, sün igl maun. Pus[s]ar sü sura üna ura od meza.
Per la tuos.
Ais bön la ragisch papanela, od ragisch giaigl vainla dita. Mangiar dinsairas et dindamauns da giagiün.
Contra la guota da igls ufaunts.
Piglia quella herba da chias[ch]ouletas chi vain aint in ün hüert taunter las ravass. Smachia da trais guots aint igl lat da la mama.
Per sarar da igl corp.
Piglia murlinas d mür, var set ad üna persuna gronda, at üna pitschna var trais. Fara opra, mo meta aint int üna taza da meil cre.
[f. 70a] It. per tour dalur da dainss.
Piglia aschai cot et alun et rena, meta insembal, tegna in boca duos od trais voutas. Giüdara.
It. la ragisch da la erba da lat striun ais buna per tour dalur da daints et chiüzias. Metar suot et tgnair bain löng. Giüda a patir in pa.
La balla da chiamuotschs aint in igl maun dret ais bön per far igl part da la duona leif.
[f. 70b] Per igl mal suot costas.
Ais bön flur farina da üerdi, et fa üna put cun lat chiavra alba, od eir agua, meta sü pü chiaut chia tü pousch infina nouf voutas et sara taunt bön chi nun s craia. Aint i in la put smachia 3 puogns sem lign et maisda bain.
Mal suot costas.
Pousch tour palpera blau nouf et meil cre, in pa t paing frais-ch, pü chiaut chia tü pousch indürar. It fara bain, scha tü pousch pat[ir].
Per la arsagia.
Pro igl amala chi ha arsagia, piglia igl gialade da mez on, piglia davent la teista, luhra smachia l inter bain, luhra fa couschar üna buna sopa et da agl amala. Sara bön conter la arsaia.
Per rumper oura.
It. piglia ün(a) paun chi seia da farina. Sfarina, ragia gio, fa pasta et meta sü. Rumpara oura bain bot. Od piglia alvon sech et smachia gio et fa farina et piglia bun aschai et fa üna put, et meta sü pü chiaut tü pousch patir.
[f. 71a] Per la guota.
La guota ess contraria alla vita da igl chrastiaun et, per gronda dolur chia ella da agl chrastiaun, igl fa tschirar, et per ngir avaunt a quela des[s]as tour triaca, laschar ngir vin chiaut, taunt chia ell nun couscha, et strichiar ingi(a)[o] i fa la dolur. Sara üna buna chiaus[s]a.
