 |
Questa pagina è stata trascritta e formattata, ma deve essere riletta. | |
| 138 | Cudesch da maschdinas |
L’erba da fragia ess zuond buna per igl chieug et cour. Eir ess buna per la malateia dalas dunauns.
[f. 66a] Diou parchiüra! Scha ün rumpes ün öss, tour [. . .] et lavar qun quella agua. Fa guarir eir da tuotas sorts plagias.
Flur da suvü.
Ais bun per mal igl chieu, et metar suot igl chieug da nüt. Eir essa bun per natigiar la unflotareia da la frus.
Chras[ch]un da funtana.
Schmachiar oura in agua et baiver cun masüra, esal bun per igl 10 magun, eir per ir ora igls chiaveus.
Agua da jsop.
Isop, tour et smanchia oura agua. Es buna per queus c[hi] h[aun] malfla. Eir esla buna a queus chi haun tuos streta. Per chiatschar oura malas süors esla eir buna.
Agua da urteias.
L’agua da las urteias ais buna per igl vainter, cura es pechia da madrun, per igl madrun sves, eir la peidra; s-chiatscha tuot quaj chi es da fraj.
Chiarduns mai.
Igls tour et squitschar oura agua et tour quela agua et baiver jo. Maina aint (da) dadaint las maclas tuotas ariva, da leif et da nirom et da igl viadi. Ess eir bön per igls ufaunts per igls pluogls. Agua da poleta ess bön, scha ün ess sfrada igl chieug. Laschar ir aint in las u(l)[r]aglias insaquants guots, giüda.
[f. 66b] Augua da as[s]ens.
Tour as[s]ens et squits[ch]ar oura augua et tour quella augua, baiver, es zuond bun per tamprar igl stoma arfrada; s-chiauda bain, et fa, chia la spaisa sta gio, et fa bun fla. Eir per mazar igls verms essa bun. Plü esla buna per tunar igl chieug et sagiatar igls daints.
L’agua da minza.
Ess zuond buna per la curaiglia arfradada, s-chiauda bain igl cour. Ess eir buna per queus chi nun pon chiagiar et haun la böglia schruvinada.
Fluors gial, od, sc(h)o i s disch, f[luors] clavado.
In gronda virtüt essa, tour, couschar tuota la erba, quai chi auda pro igl prüm da mai(ay). Ess bun da tour quella agua et baiver, duos giadas agl di, per sfradamaint da igl stoma. Chiauda zuond bain. Ess eir bön per natigiar la duona da seia malateia, et sa opra eir da ün chi ha la peidra, eir per graveza da igl chieug giüda.
Eir lavar oura morsadüras da bes-chias tös-chianta[da]s, giüda.
Savun nouf, ragiar jo manü sün ün pez net, et metar sün ufladüms, fa tschas[s]ar bain bot.
