 |
Questa pagina è stata trascritta e formattata, ma deve essere riletta. | |
| 134 | Cudesch da maschdinas |
Per las uraglias, od per udir mal.
It. tour lat da üna duona chi ha duos emnas paglioula, et ragisch tschierva, lafv’la jou be pü tü pousch, et squitsch’la oura igl sü, meta aint igl lat tanter, cula tras ün pez net, et luhra lascha ir aint 2 od 3 guots per uraglia. Fa 4 damauns l’üna davo l’autra, et tegna a chiaut, schi vaina a giüdar.
Per ufladüm da las uraglias.
Piglia föglias da urteias et sal, smachia insembel quelas duos chiaussas, fa ün plaster, meta sün l’ufladüm.
Per fla chi savura mal.
Ais bön a tour agua frajda da üna fontana et meter aaint sal et mangiar paun chiaut, mo spür seial. Et quai trais damauns da giagiün. Vain a ngir megl sainza auter.
Per igl fla greif.
Ais bön tour ragisch urteia mas-ch(d)iel, couschar aint in bun vin vegl, et baiver. Es zuond bön eir per ustar da tuoss.
Per vascheias aint in boca.
Ais igl plü bön erba da tsching costas, da quella streta, lunga, et squitschar oura igl zü et tgnair in boca. Yüda.
[f. 62a] Far ir davent igls derts d s. h. vadeus.
Foura üna uraglia cun ün friem cotschen fö, cioe la uraglia tschneistra, et meta aint üna curaia da üna s-chiarpa et da blers nufs. Lascha quella curaia fina la va davent sves. Saran tuts davent tschert.
Per igls pluogls.
Piglia paing et suondscha et sal. Lasch’la alguar insembel infina chi es tuot nair. Luhra saran igls pluogls subit davent.
Üna puolvra da s-chiatschar mal igls daints, et mazar verms.
It. tour tschient ranas et las laschar s-chiar aint in ün fuorm, et luhra far puolvra landerora. Dapö puolvra, tour luhra eir tant sal, luhra masdar insembel, strichiar igls daints chi haun mal. Fara ir davent impestiond.
Per far la fatscha bella.
Ais bön tour fava et la metar aaint in ferm aschay, et lascha ün di et üna not. Lura lascha süar a sulaj et, po seca luhra, far puolvra. Tour quela puolvra et metar aint in agua neta. Lavar la saira, aunt co ir a durmir. La damaun essa b[u]n fic(s)k.
[f. 62b] Per mal da igl calöz.
(Quell) piglia ragisch od planten, smachia quell, piglia igl zü chi vain oura, et baiva jo. Giüda.
