| 110 |
Alchiünas Bellas et Nüzaivlas Histoargias |
|
la glieud dal muond. Perchie ls oters filgs et infaunts dad’Adam sun tuots affatts stits in il diluvi. Henoch eis bain naschieu, mo na moart, mo perchie chia el eira ün hom da temma da Dieu, schi eis el gnieu piglio davent dalla terra vif, chia el havaiva taunt [f. 107b] ans, co chi sun dis in l’an, numnedamaing 365. Mathusalem eis sto il pü velg, chi me saja sto in il muond. Quist ho vivieu 969 ans. Noach eis in mez il diluvi gnieu cussalvo in üna archia; ho hagieu 3 filgs: Sem, Cham, et Japhet. Dal pü velg, Japhet, sune pertschendieus ils pœvels dalla Europa; da Sem haun lur principi ils infaunts da Israel, tuots ils Jüdeaus, et Christus svessa; dal pü juven, Cham, sune partschendieus ils Africaners et ils Princips dalla prüma Monarchia. Zieva il diluvi haun vivieu 3 Patriarchs: Abraham, il bab da tuots quels chi crajen, ilquel ho arfs[ch]ieu il prüm da Dieu la lia dalla circumcisiun; Isaac, filg da Abraham, et Jacob ù Israel, filg da Isaac, ilquel ho hagieu 12 filgs, dalsquels sun zieva pertschendidas las 12 schlattas d’Israel. Intraunter ils filgs da Jacob eis eir sto Joseph, ilquel eis sto vendieu in Aegypto, et alo eis gnieu in granda dignited tiers il Rag Pharao, ilquel havaiva [f. 108a] nom Hermesses. Da quist sun gnieus spisantos seis bab et seis frars in il temp d’üna granda chialastria. Zieva quists 3 Patriarchs sune gnieus 2 Düchias ù Princips: Moses et Josua. Moses ho mno il pœvel da Israel tres il meer coatschen in il bun pajais da Canaan, our suot la servitüd da Pharao, chi havaiva nom Amenophis il terz. In il desert, sün il munt da Sinai, l’ho Dieu do la ledscha. Moses pero nun eis gnieu in il pajais ludo, mo eis moart in il desert sün il munt da Nebo Habarim. Josua ho mno aint dafat il pœvel dad’Israel in Canaan tres il Jordan. Zieva Josua sune gnieus 14 Jüdischs, ilsquels haun aredschieu Israel lœng. Intraunter quels eis eir sto Gideon, ilquel cun 300 hommens ho battieu 120000 dals inimichs. Eir Jephta, ilquel ho sacrifichio sia egna figlia. Eir Simson, il pü ferm intraunter tuotta la glieud. Zieva ils 14 Jüdischs sune gnieus 3 Arags: Saul, David et Salomon. Saul in principi prus, zieva schlascho, ho tres üna stria fat gnir our il chiüerp da Samuel moaart [f. 108b]. David eira in principi ün pasturel da bes-chia et ün suneder dal’harfa, zieva eis el dvanto ün Prophet dal Segner et ün Arag. Seis filg eis sto Absolon, il pü bel chi me saja sto il muond. Salomon, filg da David, il pü sabbi et rich chi me saja sto suot chiappa dal tschêl, ho edifichio al Segner sün il munt Moriah ün custaivel taimpel, inua chia Abraham avaunt temp havaiva vulieu sacrifichier al Segner sieu filg Isaac. Zieva la moart da Salomon ’s haune separedas ù spartidas las 12 schlattas da Israel in duos parts. Inminchia part ho tschernieu sieu egien Arag. Uschea sune stos ad üna gieda da duos soarts d’Arags: Arags da Juda et Arags
