 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 109 |
respondieu, chia l’hom saja ün giast et fullaster sün terra, et sieu cuors giaja adüna vers la moart. Sün la [f. 106a] seguonda: a chi chia l’hom saja da cungaler, ho el respondieu: A diversas chiosses. Sco, per il prüm: ad ün glatsch, ilquel, cunbot chia leiva il sulalg, schi leaua el; alhura: alla ruseda, chi crouda gio sur l’earva et vain süanteda dal sulalg; tertio: ad ün sunalg d’ova, chi chiœntschamaing as schfo; 4.: alla fœglia dalla boas-chia, laquela bod do gio et smarrescha. Sün la terza dumanda: chie chi füs il esser ù il fer dal hom, ho el dit: Chie el stœglia saimper cumbatter sur terra, et chia seis dis sun sco dad’ün viandaunt. Sün la quarta: chie cumpang chia el hegia, ho el respondieu, chia seis cumpangs füssen: la fam, la sait, l’pissêr, las malatias, et alla davous la moart.
Nota:
Sün bellas dumandas tuochian bellas et sabgias arespoastas.
Ad Alexandro il grand vain duneda üna miravgliusa Peidra.
LXX.
Paulinus, in sieu cudasch davart la moart temporela et [f. 106b] aeterna, fo mentiun dad’üna miravgliusa peidra, laquela ün hommet velg dunet ünzacura ad Alexandro il grand per ün singuler preschaint. Quista peidra havaiva in se quista natüra. Scha ün la mattaiva sün üna paisa, schi traiv’la gio tuottas otras chiosses, quaunt greivas chia me sajen stedas; ma sch’ün büttaiva nomma sü ün po d’cêndra, schi gniv’la tratta gio dallas pü leivas chiosses chi füssen. Alexander cun tuotta sa cuort ’s schbundragietten da quista miravgliusa peidra et havaiva grand buonder da savair la causa da quist fat. Peraque ho Alexander fat clamer tiers se alchiüns doatts philosophs et ils ho giavüschos, chia l’dessen dir ù explichier quista miravgliusa chiossa. Ilsquels, zieva chia ’s havetten lœng impissos sü sura, dschetten alla davous al Rag: Signur Arag, la peidra managia voas vintüraivel stedi. Vus esches quella peidra greiva, ilquel squasi tuotta la terra nun po purter. [f. 107a]. Vus surpassais tuots Potentats dalla terra, chia nun paisen ünguotta vers vus. Mo à po bot iscuntrer, chia stœglias murir, chia la terra vain a s cuvernir; alhura gnis à gnir leif avuonda.
Register dallas Histoargias Judaicas.
LXXI.
Da principi dal muond infin al diluvi sun stos tschin(k)[ch] Patriarchs: Adam, Seth, Henoch, Mathusalem, Noach. Adam, il prüm hom, nun eis naschieu ne da bab ne da mamma, mo eis creo da Dieu svessa our dalla terra. Seth, il filg dad’Adam, eis sto que hom, dalquel sun gnieus tuotta
