 |
Questa pagina è stata trascritta e formattata, ma deve essere riletta. | |
| 106 | Alchiünas Bellas et Nüzaivlas Histoargias |
Davart l’aduzamaint dal Imperadur Basily.
LXVI.
Basilius, Imperadur da Constantinopel, eis naschieu in Macedonia da pouvers et schlechts gienituors. Dintaunt chi’el aira ün infaunt, l’pudaiva sa mamma mela paina nudrier. Üna gieda, dintaunt chia l’infaunt staiva à solalg et durmiva, svulet no sur el üna eaula et [f. 102a] faiva sumbriva cun sas elas, chia l’sulalg nun l’ardes. Cura chia la mamma vset que, sfügiantet la davent quist utsche cun peidras, tmand, chia ella fes qualchiossa al infaunt. Mo siand chia nulla vulaiva ir davent, mo turnaiva darchio dalungia, cura chia la mamma giaiva tiers sa lavur, ’s impisset la, chia gniva à gnir ünqualchiossa singuler our da sieu filg, et laschaiva dimena ster l’utsche, cura chi’el gniva. Siand el creschieu, schi gnit el in la cuort tar l’Imperadur Michaëlem et füt in poch temp fat curunel dalla chiavalerizza. Siand el in quist uffici, havaiva l’Imperadur ün chiavalg, chia el amaiva fich et eira zuond gal et superbi. Quist dumes-chiet Basilius uschea, chia el ’s laschaiva chiavalchier et aredscher. Co tres el cungiüstet tiers l’Imperadur taunta favur, chia el il fet sieu hofmaister et bain bod zieva Rag rumaun, et arfschet la curuna dal Patriarch Phocio. Zieva alhura mazet [f. 102b] el svessa l’Imperadur in sa chiambra, et uschea gnit el Imperadur in sieu pe. A quels, chi havaiven fat dal bain a Basilio in sa puerted, arandet el richiamaing, ma sieu benemerit Imperadur et Segner aramuneret el zuond mel.
Davart la Taciturnited et Astütezza da Papyry, ün Juven Rumaun.
LXVII.
Aullus Gellius ho descrit üna deletaivla histoargia our dad’üna peroratiun da Marci Catonis, laquela el racu[i]nta uschea. Tar ils velgs Romauns eis steda üna üsaunza, chia ils cusgliêrs, cura chia giaiven in la chiesa dal cussalg, sulaiven piglier cun els lur infaunts. Et cura chia gniva ordino u decreto qualchiossa d’secret ù singuler avaunt il senat, schi stuaiva que gnir taschieu et tgnieu secret. Siand dimena üna gieda quist juven Papirius turno cun seis bab dalla chiesa dal [f. 103a] cussalg in sia chiesa, l’ho sa mamma cun grand buonder dumando, chie chi saja gnieu purto avaunt et ordino. L’juvnet ’s s-chiüso cun dir, chi’al stœglia tegner secret, chi’el nun as-chia palaser. Inuonder chia sa mamma ho survgnieu aunchia pü granda bramma et dessideri da savair tel secretezzas. Et dimena schi aruet la aunchia pü fich al filg, chia el la vules dir que chi füs gnieu fat. Co dalungia ’s ispiet no il juven Papirius üna bella manzœgna et dschet à sa mamma, chia saja gnieu avaunt il senat üna
