 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 105 |
guerra. Manlius pero eis, peramur da quist sgrischus fat, tuot sa vitta sto fich odio da tuots et principelmaing dals juvens Romauns.
Üna prova, quel, intraunter trais filgs, chi saja il legiaisem ù na.
LXV.
[f. 101a] As legia in „Theatro vitae humanae“üna histoargia, chi des esser dvanteda in Scythia. Ad eira ün bab, chi havaiva trais infaunts, duos dalsquels eiran illegiaisems, mo il terz eira legiaisem; mo quist nun savaiva üngiün, niaunchia ils filgs svessa. L’bab gnit amalo, fet sieu testamaint et mettet aint il legiaisem in il testamaint, ls oters duos serret el our, nun manzunet pero üngiün in il testamaint, quel chi füs legitim ù na. Zieva murit el. Zieva la moart dal bab gnit aviert il testamaint, et alhura incligiettane ls infaunts, co chi stes cun els. S istupitten svessa da quist fat, ’s guarden l’ün l’oter, ’s faun buonder, et üngiün jüdisch nun ls pudaiva decider u spartir in quista differenzchia ù contesa. Ils illegiaisems dian, chia füssen els vairs et legitims infaunts et hertevels. Il vair et legitim infaunt vulaiva eir el pruer, chia el, et üngiün oter, füs il vair et jüst hertevel. Nun ’s pudiand [f. 100b] els dimena giüster, schi laschettane gnir la causa avaunt il dret ù ls jüdischs, ilsquels, zieva chia d havetten inclet il fat, fetten gnir avaunt se ils trais filgs. Fütten dumandos per il saramaint, chia dessen dir, quel intraunter els chi füs il legitim. Ma nun pudiand nell’uschea gnir alla decisiun da quista dispütta, co fet l’Arag mner no l’chiüerp moart da lur bab, il fet tachier sün ün bœs-ch. Sü sura fütta do a tuots trais ün balastar et üna friza, cun quist cummand, chia daiven sagietter: quel chi tuchiaiva il cour dal bab, quel daiva esser il vair et legitim hartevel. Tuot la cuort dal Rag gnit insemmel avaunt quist spectacul, et ’s arespet da tuottas vards insemmel ün grand pœvel. Co pigliet il prüm sia balaster, matet sü sa friza, sagietet et chialet poch dalœntsch dal cour, uschea fet eir il seguond et tuchiet aunchia pü d’ardaint. Manchiaiva dimena aunchia il terz, ilquel, haviand tendieu sieu balaster et mis sü sa friza, ’s algurdet dals grands beneficis, chi’el havaiva arfs[ch]ieu da seis bab [f. 101b], cumanzet à crider sossamaing, matet gio sieu balaster et dschet: Saja dalœntsch da me, chia eau des impaler meis mauns in il saung da meis bab per causa dad’ün daschüttel daner. El eis meis bab, eau seis filg: eau nun vœ fer que. L’Arag schainta aint et metta hartevel chi chi’el voul. Eau vules pü gugiend sagietter la friza in mieu egien chiüerp, co chia des la sagietter in il chiüerp da meis bab. Cura chia l’Rag vset que et udit sieu managiamaint, schi ho l declaro quel per legitim filg et hartevel dal bab, mo ls oters duos ho el sarro our dalla hierta.
