Pagina:Decurtins - Rätoromanische chrestomathie, VII.djvu/118

104 Alchiünas Bellas et Nüzaivlas Histoargias

alhura ils sacerdots piglio l’infaunt et l’haun miss in bratsch dal Molech alf d’fœ. Mo aciochia ls velgs, ls genituors, nun udissen il grand bragizzi da lur infaunt, schi [f. 99a] sunaivane ls tamburlins; quinderno eis quist lœ gnieu anomno Tophet. Infin in huossa Buxtorfius. Quista üsaunza eis eir steda usiteda tar ils Carthaginensers, inuonder chia Plutarchus disch, chia els, saviand et tres üna fossa prudentscha et santited, haun hagieu lur infaunts, ilsquels cumpraiven aint oters infaunts da pouvra glieud et ls s-chianaiven sco ls vdels et utschels. Co ho la mamma stuieu ster lo et guarder tiers sainza ’s smarrir zoatt; quellas alhura, chi nun ’s haun pudidas artegner, mo haun nomma suspiro u crido, quellas haune chiastio, et taunt a taunt sacrifichio lur infaunts.

Disciplina militare dals velgs Romauns cun l’exaimpel da Titi Manlij.

LXIV.

Uschea poch co chi po ster salda üna Republica sainza ledschas, be usche poch po eir subsister la guerra u gnir mneda indret. Quist haune savieu zuond ils velgs Romauns, ilsquels, per quista causa, haun observo zuond rigurusmaing la disciplina militare, sainza respet dad’alchiüna persuna. [f. 99b] Ün zuond bel exaimpel da quist fat chiattains nus in Tito Manlio Torquato, ilquel ils Romauns havaiven tschernieu per chiapitauni incunter ls Latins. Quist havaiva fat alchiünas ledschas militares, intraunter lasquelas eira eir quista, chia üngiün nun dess cumanzer ünguotta incunter l’inimich sainza consentimaint dal chiapitauni. Mo à dvantet ünzacura, chia quist Manlius tramtet our seis filg, chi, havaiva nom sco el, à spiuner l’chiamp dal inimich. Quist, giand oura iscuntret Geminium Metium, ün excellent sudo dals Latins, ilquel in principi fet ün bel discuors cun Manlio. Mo, sco chi cumœnamaing soul ir intraunter ils anims contraris exacerbos, uschea gnit eir aqui tres calumnias da l’üna vard et da l’otra taunt inavaunt, chia Geminius schfidet our alla speda quist juven Manlium. Manlius, chi eira ün zuond bel, ferm, giagliard et spert [f. 100a] cumpang, tgnaiva chia que l’füs üna verguogna, scha el traiva gio ün tel duel. Et uschea ’s laschet el aint cun quist oter in la battaglia et mazet il Latin. Sü sura vain quist cun granda algrezchia darchio in sieu quattier, currit tar seis bab et l’aradschunet tuot il fat, et co chi’el havaiva amazo il principel curunel dals Latins. Ma il bab il repudiet da se, blasmet sia ardimantusa disobedientia, tres laquela el havaiva surpasso voluntariamaing las ledschas militares; fet sü sura clamer il boaja, et il fet taglier gio la la testa, vuliand amusser, chi’el vules pü gugiend perder sia filg, co chia gnissen surpassedas las ledschas dalla