 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 103 |
[f. 97b] Davart la granda sumgliêntscha da duos amichs in tuottas chiosses.
LXII.
Amicitia fatta eis suenz pü buna co la natürela, principelmaing cura chia ls amichs sun dad’üna medemma vœglia et sentimaint, haun delet tiers na medemma chiossa et sun dad’üna istessa natüra. Ün exaimpel dad’üna tel nun simuleda amicitia havains nus in Philostrato et Hippoclide, ilsquels eiran duos sincêrs, vairs et riels amichs intraunter lsquels la natüra svessa paraiva, chi’ella haves fat la amicitia. Perchie primo eirane els tuots duos naschieus sün ün di, et uschea dad’üna eted, alhura schi havaivane tuots duos delett tiers la philosophia da Epicuri et ’s exercitetten in quella da pitschen in sü, fütten eir tuots duos tramis tiers ün magister. Lur arobas eiran eir galivas, schi alla davous dafat [f. 98a] cummœnas traunter els. Haviand dimena vivieu insemmel bgier ans in üna tel amicitia et ’s g[i]udieus l’ün l’oter, nun ho niaunchia la moart vulieu separer duos cours uschea sten cullios insemmel, mo sco chia d eiran naschieus in ün di, uschea sune eir moarts tuots duos in ün di.
Davart l’horribel Idol da Molech, dalquel vain suenz fat mentiun in la scrittüra senchia.
LXIII.
Intraunter otras grandas idololatrias, lasquelas il pœvel jüdeauf ho commiss in il velg testamaint, appussaivelmaing eis quella da tegner per la pü sgrischusa, laquela el ho commiss cun l’idol da Moloch, davart laquela Buxtorfius, our dad’ün cudasch jüdeauf, scriva uschea. Moloch eira ün idol bütto d’bruonz, chi havaiva la testa sco ün (f)[v]de et bratscha standida oura sco ün hom — la tgnaiva averta, spettand, [f. 98b] chia l’gnis do qualchiossa in bratsch — dadainsvard tuot voed. A quist idol eiran edifichiedas 7 chiapellas u baselgiettas, avaunt lasquelas staiva quista imegna. Et gniva fat uschea. Quel chi vulaiva offerir ün utsche ù üna turtura, quel gniva in la prüma chiapella; quel chi vulaiva offerir üna nuorsa u agne, quel giaiva in la seguonda; quel chi purtaiva ün græc[h], giaiva in la terza; chi ün vde, in la quarta; chi üna vacchia, in la tschinchievla; mo quel chi offeriva sieu egien filg, quel giaiva in la settevla chiapella, et bütschaiva il Molech, sco chi sto scrit tar Hosea, in il 3. cap. in il 2. vers: Quel chi voul bütscher ils vdels, quel sto sacrifichier glieud. Quist filg, chi daiva gnir offert, gniva miss avaunt il Molech. Il Molech gniva fat alf d’fœ, chi’el splenduriva sco üna gliüsch. Co haune
