 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 101 |
vers il flüm, ma giand per la via iscuntret la il Grof Isembret, ilquel la dumandet, chie chi’ella purtaiva? Ella respundet, chia füssen 11 lufetts ù chiagnœls, ilsquels chi’ella voles bütter davent et stanschanter. Il Grof giavüschet da ls vair, scha nun füs intraunter quels ünqualchiün bun per la chiatscha. La duonna ’s usted taunt co chi’ella pudet. Ma pür alla davous stuet la alhura der et lascher vair sieu thesori azuppo. Co stuet la alhura cufesser tuot il fat, sco chi’el eira. Il grof la cumandet, chi’ella tasches gio et nun dsches ad üngiün dafat ünguotta. Et dalungia det el uorden, chia ls infaunts in ün lœ separo gnissen trats sü et arlevos inandret. S infantschet eir cun la duonna da nun savair ünguotta. Passos chia fütten sês ans, chia ls infaunts eiran bain grandets [f. 95a] et tuots bels, sauns et giagliards, ls fet el vestir tuots ad üna soart, fet piner daspera ün bel pest, sülquel el ividet bgiers da seis paraints et dals paraints dalla duonna et oters bums amichs. Dintaunt chia mangiaiven, fet el mner no seis 11 infaunts et aradschuna als giasts s-chiettamaing tuot, co chie l’fat eira passo. La duonna Irmentrud, ù per algrezchia ù per dœli, sa metta à crider, ’s bütta à culœz à sieu signur et à seis infaunts et ls dumandet et aruet per perdun, quel chi’ella eir survgnit. Mo per memœrgia da quist fat, ho il Grof fat müder ils cunoms da seis 12 infaunts, et impe da ls anomner ils grafs da Altorf, ls fet el numner ils Luffs. Ilsquels haun zieva saimper mno in il lur vopa ün luff. Mo in hunur et ingrazchiamaint da Dieu per la miravgliusa conservatiun da seis infaunts, ho el in Altorf fat fabrichier üna cloastra (in Altorf).
Nota:
Que chia la glieud ’s impaissen da aruiner et desdrür, que cussalva et mantegna Dieu miravgliusamaing.
[f. 95b] Exaimpel da quellas, chi haun parturieu bgiers infaunts.
LX.
L’histoargia precedainta ns do occasiun da tschantscher dad’ün’otra da sumgiaunt contenuto. Erasmus et Ludovicus Vives aradschunan, chia in il ann 1276 saja steda in Hollandia üna Grofa cun nom Margaretha, tiers laquela gnit üna gieda üna pouvra duonna, chi purtaiva in bratsch duos pitschens infaunts dschmels, et la dumandet l’almousna. La Grofa u Cuntessa pissaiva, chia que füs impossibel, chia üna duonna pudes dad’ün hom sulett parturir duos infaunts ad üna gieda, et peraque la fet la our tuot alla pêra, la dschet mel et la tgnet per üna pitauna et adultera, la quela haves durmieu cun pü homens co cun ün. Quista pouvra duonna giet davent tuot anguschagieda, cridant, plandschand, et giavüschet alla
