 |
Questa pagina è stata trascritta e formattata, ma deve essere riletta. | |
| 100 | Alchiünas Bellas et Nüzaivlas Histoargias |
prievel chi eis azupo suot quist tœch d’linzoel, tü nun gnissest niaunchia a ta degner da l’piglier sü dalla terra!
Nota:
La vita humauna eis plaina d’molestia: quels chi ns peran suenz dad’5 esser il pü vintüraivels, sun ils pü svintüros.
[f. 93b] Sümgienscha dala Vista.
LVIII.
Dal temp da Octaviani Augusti gnit à Roma ün Græc, ün giuven zuond bel cumpang, ilquel sumagliaiva tuot afat l’Imperadur Augustum, inuonder chia tuot il pœvel vulvaiva ls œlgs vers quist juven, taunt co sch’el füs filg u frer dal Imperadur. L’Imperadur havet suspett, chia que füs ünqualchie infaunt da seis bab, et peraque l’fet el clamer in Palaz, et vsand, co chia el il sumagliaiva fich, dumandet el aquist juven, scha sa mamma füs me steda a Roma. Alquel il giuven respundet supervgiamaing, chia na. Et nun ’s contantet da quist, mo dschet pü inavaunt: Ma meis bab è sto qui bgierras voutas. Vuliand der ad incler, chia el, il giuven, nun pudes esser filg dal bab dal Imperadur Augusti, ma chia Augustus pudes bain esser filg da seis bab. Eis taunt, co sch’el havess dit, chia el nun poassa esser ün bastard dal bab dal Imperadur, mo bain chia l’Imperadur poassa esser ün bastard da seis bab.
[f. 94a] Üna nunmisericordiaivla Mamma vers 12 da seis Pitschens Infaunts.
LIX.
Quista histoargia ho l’authur dal cudasch impart udieu radschunand oters, impart eir let in oters authuors, chi l’haun descritta. Ün grof dad Altorf, anomno Isembret, havaiva per duonna üna chi havaiva nom Irmentrud. Quista, haviand vis üna pouvra duonna, chi giaiva intuorn dumandant l’almousna cun 3 infaunts mes-chials dad’ün temp, chi eiran naschieus in ün purto, eis gnida mel pazchiainta et ho dit mel alla pouvra duonna, et l’ho fatta our tuot alla pêra, taunt co chi’ella füs üna pitauna et oter. Ma Dieu per sieu temerited et pchio l’ho chiastieda. Perchie chia ella zieva in ün purto parturit 12 figlietts, chia sieu signur eira davent. Irmentrud füt tuot smoarta da quist fat, et ’s ho imagineda, chia la glieud vegnen a suspetter et dir dad’ella be que chia ella dschaiva da quella pouvra duonna. Et peraque schi fet la clamer la duonna da part tar se [f. 94b] et la cumandet, chi’ella daiva piglier 11 da quels infaunts et ir a ls stanschanter aint in il pü proassem flüm, et l’otar da lascher ad ella.. La duonna da part piglia ils 11 infaunts in squassel et vo per ir
