Pagina:Decurtins - Rätoromanische chrestomathie, VII.djvu/106

92 Alchiünas Bellas et Nüzaivlas Histoargias

sieu agiüdaunt, füt brasso sün üna [f. 85b] gradella cun chiœttel in suot, cun taunta constantia, chia, siand el tuot ars dad’üna vard, clamaiv’el al tiran Imperadur: Al eis brasso, voalva l et mangia l. Babylas, ün excellent duttur et Uvas-ch dad’Antiochia, füt 90 aus, cura chia el füt amazo insemmel cun trais de seis infaunts. Cura chia quist havaiva be da murir, schi dschaiva el a quels chi eiran alo preschaints: Ve, qui sun eau et meis infaunts, ilsquels chia Dieu m’ho do. Et acio chia el ’s cufurtes se et els, schi chiantaiv’el our dal 116 psalm: Ô oarma mia, tuorna in pos, perchie chia l’Segner ’s ho lascho gnir compaschiun da te. Et cura chi’el havaiva be da murir, schi aruaiv’el, chia nun l’dessen sepulir sainza sas chiadainas, cun lasquelas chi’el eira lio, aciochia el in il di dal jüdici nun hegia dad’esser sainza seis iffitamaints regiels davaunt Dieu. Bgierras excellentas et ludedas juvintschellas fütten turmantedas crudellmaing et missas à moart, numnedamaing: Apollonia, Eugenia, Victoria, Theodora, Ruffina et otras. Quista persecutiun eis steda la prüma occasiun ù causa dalla vita dals Eremütels [f. 84a], no dallaquela sun gnidas zieva da tuotta soart d’muoings et muoingias. Perchie chia Paulus Thebeus, ün juven da 15 ans, per fugir il prievel, fugit in ün desert, et haviand chiatto üna granda spelunca, laquela dal temp da Cleopatra eira steda üna buttia ù fuschina da munaida fossa, et in quela mnet el inavaunt 90 ans in l’oratiun, vivaud et ’s vestind da fœglias et frütts da palmas, chi eiran lander intuorn. Zieva sieu exaimpel eis ieu Antonius, ün hom da 90 ans, ilquel eis sto in il desert infina chi’el havaiva 105 ans et alhura eis el moart. Quists duos sun stos ils babs dals eremütels u, per dir melg, da tuots quels chi ’s haun artrats in deserts et lougs solitaris, taunt co separos dal muond mnaiven inavaunt lur vitta in granda asprezza ù eschezza. Zieva quists sun gnieus bain bod las cloastras, monasteris et tuottas otras inventiuns dalla glieud. Melapaina eira passeda la 7. persecutiun, chia cumanzet la VIII. tres l’cumand dal Imperadur Valeriano et da seis filg Galieno, l’an dalla naschenscha da Christi 260. In quista fütten dechiapitos 2 excellents hommens, numnedamaing Cornelius, ün Uvas-ch da Roma, et Cyprianus, Uvas-ch da Carthagine [f. 84b] in Africa. Bgiers fidels fütten scurchios viffs, par pruer tres quist mez da stravier ils oters gio dalla fe christiauna tiers quella dals pajauns. Ma pero ls persecuteders nun pudetten nell’drizer our uschea ünguotta. Dimena schi pruvaivane oters mezs, numnedamaing cun da tuotta soart deletts et volupteds chiarnelas, tramettaiven tiers els bellas femnas, chi ls muantessen à luxüergia ù ad oters pchios, et uschea ls surmnessen, scha füs sto possibel. Poch zieva chia quist Valerianus havet cumanzo à persequiter uschea ls fidels, siand el ieu in guerra incunter ls Persers, gnit el vif aint in lur mauns.