 |
Questa pagina è stata trascritta e formattata, ma deve essere riletta. | |
| 88 | L’istorgia dall cavalier Peter et da la bella Magullonia |
ün grand tiran, perchie chia el muantet sü la seguonda persecutiun incunter ls Christiauns cun tel füergia, chia el nun spargnet niaunchia à Flaviae Domicellæ, üna jüvna dallas principelas chiasedas da Roma [f. 78b], chi eira sa neza, cioe figlia d’üna sia dretta sour, ma la tramtet in exili in üna isla, chi vain ditta Planasia. Suot quist tiran, chi uschigliœ vain dit il seguond Nero, per causa da sia tirannia, haune arfs[ch]ieu la curuna dal martiri: Lucas l’Evangielist, Timotheus, Onesimus et Dionysius Areopagita. L’Evangielist et Apoastel S. Jan füt suot quist mno preschun dad’Epheso à Roma et füt fich tormento. Scha d eis da crair à que chi vain scrit, schi füt el bütto in üna chiudêra d’œli, et fat fœ, na cun glatscha, sco chia las filunsas dian, ma cun laina, et nun l’haviand il œli nuschieu ünguotta, ma pü bod siand el gnieu our dalla chiudêra pü bel et giagliard, füt el tramis in exili in l’isla da Pathmos, inua chi’el scrivet sa divina apocalipsi. Alla davous eis el moart in Epheso, anno 100 zieva la moart da Christi, noas Salveder. Ad eis sto ün zuond velg parair, eir intraunter ils discipuls dal Segner, chi haun pisso chia Johannes nun vegna à murir, perchie chia Christus tar S. Jan. in il 21 cap. havaiva dit a [f. 79a] Petro: Sch’eau vœ, chia quist, cioe S. Jan, aresta infina chi’eau veng, chie vo à ti tiers? Tü ve zieva me. Eis dimena daraso quist pled intraunter ils frars u discipuls, chia quel discipul nun gniva à murir. Aunchia hoatz in di eis üna secta in Ingelterra, chia ls Anglais l’anomnen in lur linguag Seekers et Waiters, quærents ù expectants, chi nun crajen chia saja üngiüna baselgia visibla in il muond, üngiün ministeri, üngiüns sacramaints, la causa, perchie chia nun saja üngiün Apoastel; et perque vegnane dits querents, perchie chia la tscherchian adüna. Quists, di eau, spettan aunchi’huossa l’Apoastel S. Jan, perchie chia crajen, chi’el viva aunchia et chi’el vegna bod à comparair et restaurer las baselgias. Alchiüns dad’els dian, chi’al saja vis in Suffolcia. Oters alhura paissen, chi’el saja aunchia in la Transylvania, et peraque haune tramis chiartas alo, a l’aruer et supplichier, chi’el vegna bod in Ingelterra. Quinderno eise l’üsaunza traunter els, chia, cura chia vezan ünqualchie fullaster, chia l’soulen dumander, scha el saja foarza l’Apostel S. Jan. Ma turnain tar Domitiano. Quist eira zuond superbi, da tel soart chi’el [f. 79b] ’s vulaiva fer adurer, taunt co sch’el füs ün Dieu. Ma alla davous füt el amazo da seis egiens sudos, et sepulieu sainza üngiüna hunur.
Zieva el gnit in l’imperi Coccejus Nerva, ün bun et chiœntsch princip, ilquel pigliet per sieu coadjutant in l’imperi: Trajanum, ilgquel ho muanto sü la tertia persecutiun incunter ils Christiauns incirca dal an 110 zieva la naschenscha da Christi. La causa principela chi commuantet quist Imperadur et la granda part da seis successuors à persequiter ils
