 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 87 |
strandschand ls frars da Vespasiani da ’s artrer in l’Capitoli da Roma, insemmel cun ls Flavios, lur cullios, et alhura fet el der fœ et arder il Capitoli et ils Vespasianers. Zieva telas crudelteds Vespasianus, chi eira elet Imperadur in la Syria, gnit cun üna pussaunta armeda eir el à Roma, inua chia Vitellius füt dalungia abanduno da seis chiapitaunis et sudos, füt piglio et spaunagio per üna giamgia da tuots, et alla davous amazo cun grands turmaints, et sieu chiüerp strat in l’Tevere, chi eis ün flüm grand chi passa par mez Roma. Ve co, chia l’innozaint saung dals Christiauns füt chieramaing svindichio incunter dals Romauns. Siand dimena Flavius Vespasianus Imperadur a Roma, schi tramtet el seis filg Titum Vespasianum cun üna groassa armeda darchio in [f. 75b] Syria, per combatter incunter ls Judeaus, lsquels, siand stos infingio ün bel temp suot l’Imperi Romaun, cumanzeten a ’s rebeller, et dimena füt tramis Titus, chi ls dumas-chies. Quist gnit cun sia armeda avaunt Jerusalem, et l’haviand assedieda ün lœng temp, chia d eira gnieu taunta fam in la cited, chia ’s magliaiven l’ün l’oter, las mammas lur iffaunts, sco chi ’s veza in quella Maria, üna nœbla da Hierusalem, figlia dal Sacerdot Eleazar, laquela la naira fam fet piglier sieu egien infaunt, chi’ ella daiva tetta, et l’maglier. Mo aunz co chia ella l’mattes maun, l’dschet la quists miserabels pleds: O sfurtüno infaunt, a chi t’des eau salver sü in quista granda guerra, fam et rebelliun? Vainst tü larg cun la vitta, schi stoust esser ün contra schefd. Mo la fam vo avaunt quella servitüd, schi sun eir ls sudos rebels pêrs co[n] tuottas duos quistas plejas. Dimena vo no, mieu infaunt, saiest ami üna spaisa, als rebels üna causa da tumultuer et a tuot il muond ün sgrischus spectacul. Alla davous Jerusalem füt piglied’aint à chialanda 7ber, in il seguond an dal imperi da Flavi Vespasiani, il 63 an zieva chia Christus füt moart et aressüsto cun glœrgia, in üna dumengia dals Judeaus u, per dir melg, in la samda. In quist assedi sulet sun moarts 1200000, ourdvart quels chi sun moarts in Syria, in la Palestina, in Aegypto [f. 78b] et utro, da tel soart chia Justus Lipsius, ün doat hom, chi ho piglio l’register da quels chi sun moarts incirca da 7 anns in las guerras dals Judeaufs aunz la davous destrucziun da Jerusalem, al metter insemmel cun l’register da quels chi [sun] amazos alhura, fo, suainter il quint da Flavy Josephi, 1334490, sainza quels chi sun moarts dalla fam, in exili, u d’otras misiergias. In quista ultima destructiun da Jerusalem mnet Titus cun se à Roma, per signel da triumph, la maisa d’or chi eira aint in il taimpel da Jerusalem, insemmel cun tuot quella vaschella et chiandalêr[s], sco eir la leggia da Moisis, lasquellas chiosses tuottas fütten missas à Roma in il taimpel dalla pesch, per üna aeterna algurdenscha.
Zieva quist Titum gnit Imperadur seis frer Domitianus Vespasianus,
