 |
Questa pagina è stata trascritta e formattata, ma deve essere riletta. | |
| 652 | Jacobus Antonius Vulpius et Jacobus Dorta |
2. E piglia la tristeza our da teis cour, è metta il cordöli davent da tia charn: perche l’adolescenza, è la jüventünna sun üna chiausa vauna.
3. Mo t’regorda da teis Creader n’ils dids da tia juventünna: aunt chi sajen gnüds ils dids mals; è rivads ils ans, dals quals tü vainst à dir: Eug nu nhai qui alchün dalet.
4. Avaunt chia ’l sulai, è la lüm, è la lüna, è la stailas, sajen inscüridas: è chia las nüvlas tuornan darcheu davo la plöfgia.
5. Lhura chia las guardias dalla chasa vegnen à tremblar; è ’ls pusaunts à s’storscher, è las muglinæras interlaschar, perche ellas vegnen à gnir diminuidas: è quels chi guardan tras las faneistras à gnir inscürids.
6. E ’ls duos üschs sün la plazza vegnen à gnir sarads, cun sbassamaine dal sunn dalla moula: è ’l crastiaun vain à star sü sün la vusch dal utschê, è tuot las chantadüras vegnen à gnir abassadas.
7. Et eir il crastiaun vain à tmair dals louhs sü aut; ed havair stramizi, chaminand [p. 747] per la strada: è ’l bösck da mandels vain à sflurir, è ’l salip s’aggravar, è ’l appetit challar: perche ’l crastiaun vâ in sia chasa perpetua: è quels chi porten læd vegnen al ir intuorn per las stradæs.
8. Avaunt chia la corda d’argent sa tschunca, è la cupalla d’aur sa smachia, è ’l vaschê s’rumpa sün la funtauna, è la rouda giaja in pezzas sur la cisterna.
9. E la puolvra tuorna darcheu in terra, sco l’eira in il prüm: è ’l spirt tuorna darcheu pro Dieu, chi l’ha dat.
10. Vanità dallas vanitads, disch il Predicatûr: ogni chiausa ais vanità.
11. Plü sabi chia ’l Predicatûr ais stat, taunt plü scienza ha el mussâ al pövel, é l’ha fat intler, ed ha investigâ, è componi bleras sentenzas.
12. Il Predicatûr ha cerchia per chatar chiausas pruvadas: è quai ch’ais scrit, ais dret, plæds d’vardà.
13. Ils plæds dals sabis sun sco spizada, è sco pals implantads da pasters da scossas chi faun stavels: è sun dats d’ün istess Pastûr.
14. Per quai, meis filg, t’inguarda da quai chi ais ultra quels: qua nun ais fin alchüna al far blers cudeschs: è bler stüdiar ais fadia alla charn.
15. La conclusiun dal radschunamaint, ogni chiausa udida, ais: Tema Deis, & observa seis cumandamaints: perche quaist ais il tuot crastiaun.
16. Perche Deis vain à far gnir ogni ouvra, buna è mala, al jüdici, ch’el vain à far d’ogni chiausa azupada.
