Quant al prüm t affadiast cun bgiers pleds da pruver, chie els nun saian stos nüzaivels, ma zuond melnüz [f. 2a] alla Baselgia et Republica. Mo cun chie argumaints! Perchie els hegian curuot la vaira doctrina et ils bums costüms dals Chri(t)stiauns et bütos suot sura. A pruver il prüm mainast no ils puonchs dels Antitrinitaris, dels Tritheiters, chi crayaven Trais deis, da Mincery, da David Georgy et blastemas da Servety. Mo chie vo quaist tiers als fidels famalgs da Dieu? Certamaing â nun s(’h)e conyunscher pü comadamaing Muncerum, David Georg et Servetum cun Luthero et Calvino, co Ebion et Cerinthum cun Petro et Paulo. Mo tü disch: Quels sun gnieus our dalla fuschina da Saxa et da Genevra. Mieu filg, quels schelms nun sun gnieus our da quellas fuschinas, oter co sco Ebion e Cerinthus our dallas fuschinas dals Apostals, suainter que chi disch Johannes: Els sun ieus oura da nus, perchie els nun eiran dals nos, perchie, scha füssan stos dals nos, schi cert chi’ els füs[s]en arostos cun nus, mo à sum ieus our da nuss, acio chia saya cuntschaint, chia tuots nun sum dals nos. Mo sco chia nun segue: Iudas, Alexander [f, 2b], Hymenäus, Ebion, Cerinthus sun crudos our dals Apoastels, dimena la doctrina dels Apoastels ais fôsa, uschea nun segue: Otars sun crudos our dals evangielists tiers la doctrina Jüdeava, oters tiers la Türchias-chia, dimena la dotrina dals evangielists eis fôsa. Nun eis mä üngiün dels Muonchs crudos tiers alla dotrina Türchias-chia? Chi ho asistia al Mahomet â sc(h)river l Alcoran? Nun aise sto Sergiu(r)[s], ün Muonch? Nun hest let in las historgias, chia il papa Honorius eis crudo in el’Heresia dals Monotelets, chia il papa Anastasius hegia favoria als Nestorianers, chia Gregorius il 7 hegia falò in la fe, chia J[o]hannes il 22 saia condanno per l’Heresia et da seis sorbonists et dal Consily da Constantia saia proclamo ün Diavel incarno, chia el papa Marcellinus hegia sacrifichio als Dimunis? Nun eira quel papa, chi, cur al havaiva [f. 3a] da morir, dschaiva, chi’ el uos[s]a gniva a chiater la vardet da trais dumandas, dallas quelas el havaiva in tuotta sia vita dubito: scha las ormas saian immortelas, scha saia infiern, scha saia Dieu? Perchie dimena pera a ti, mieu filg, chia saia da s fer buonder, chia qualchiüns da quels del evangiely dubitan dalla Religiun, chia nt saia da quels, chi gio da quella declinan tar diversas sectas? Perchie t offendast da quaists, et na da tschels? (Calvinus et Luterus nun sun ieus davent dalla Baselgia, spusa da Christi, ma dalla pitauna corruota. Piglia no la Bibgia, conferescha lur dottrina cun la dottrina papäla, et guarda, quel(l)a chi tegna cun ils Prophets et Apoastels, u quela chi saia our de via). Ala davous vainst tar Luterus et Calvinu[s] ad amus[s]er, chia els legian corruot la vaira dottrina. [f. 3b] Davart Luthero disch tü, chia el con la dottrina della ubiquitet hegia
| Rätoromanische Chrestomathie VI. 1. |
|
2 |
