 |
Questa pagina è stata trascritta e formattata, ma deve essere riletta. | |
| 144 | Coradin Toutsch |
Moa cumbain chia quaistas houwras wêngien scrittas tiers dischfarentzgiadamaingk a las parsunnas da la Diuinitad. Improa schi sunnai darchieau houwras nun spartidas dad ünn madem, & sulett Deis. Parchiaschun [p. 8] ch’ingual schkoa quellas parsūnas sun ünna essentia, & ünna natüra vschea haunnai eir ünna madēma vulantad, ünna sabgientscha, pussauntza, virtüd & operatiun.
Qua tras l’houwra chi wain scritta tiers a l’ünna, ais cummünna eir da las autras, & quæ chia l’ünna fa, faun eir las autras moa brichia in ünn möd: Parchiê ilg möd ais dischfarêntzgiad suainter la differêntzgia da las parsunnas. Ailg Bap ha tuott cread: moa tras ilg Filg, & ilg Spiert Soingk, Psal: 33. 6. Ioh: 1. 3.
Qua tras ilg Filg wain numnad la sabgiêntscha, & la pusauntza da Deis. 1 Cor: 1. 24. Et ilg Spiert S. la virtüd da Deis. Luc: 1. 35. Acto: 1. 8. Luc: 24. 49.
Deis ans ha ell par spüra gratzchia spandrads & fats salffs, moa tras ilg merit dalg Filg, ilg quall ell ha tramiß in quaist muond. Rom: 5. 16. & 8. 3. & 11. 5. Eph: 1. 3. 5. 6. & 2. 4. 5. 6. Coll: 1. 20.
Deis operescha, & lawura tuott bön in tuots: moa tras ilg Spiert S. 1 Cor: 12. 11. Rom: 8. 11. 1 Cor: 6. 11. &c.
Qua tras quellas houwras chi wêngiã scrittas tiers a l’ünna parsunna wêngnien scrittas tiers eir à las autras cūmünnamaingk in la scrittüra S. Par quella chiaschun eir Nazianzenus disch dawart Deis: Eaug num poaß impissar sün ünna, zainza chia la splandur da trais num iscuntra, ne poß trais dischfarêntzgiar, zainza ngir wid ün custrit: Quæ hal ditt cumngiaiwelmaingk parchie id ais in ilg number ün sullett Deis & vnna eßêntia, moa trais parsunnas brichia missas insembel tras compositiun, moa in ünna essentiala œterna coexistentia, & vniun, la quala wain numnada Trinitad, taunt schkoa dyr Triunitad, quæ ais trais in ün. Gen: 1. 26. & 18. 2. Ioh: 5. 7.
[p. 9] Taunt saya ditt dawart la essentia, & las parsunnas da la Diuinitad, sieugua dawart la natüra Diuina.
Dauart la natüra da Deis.
Tras la natüra da Deis s’inclêgia ilg esser da Deis, u dwairamaingk, las essentialas, proprietads da Deis, las qualas sun cumünnas alg Bap, alg Filg, & alg Spiert S.
Quellas eßētialas proprietads da Deis, sun la essentia da Deis swes intêra, ne ais intraunter quellas, & la essentia da Deis ingünna differêntzgia, schkoa eir ellas taunter peêr nun wêngen otar ckoa suainter ilg inclêtt dischfarêntzgiadas.
