 |
Questa pagina è stata trascritta e formattata, ma deve essere riletta. | |
| 50 | Volkslieder. |
b.
(Annalas XII, Vital, p. 265 — 268.)
1 Eu plain dolur her saira
Get oura spassegiand,
Sch’eu quella podesc vaira,
Chi ais meis dalet grand.
5 Gentilas bellas fluors
E rösas ch’eu vezzet,
Non eira, o che dolur!
Pro quellas meis dalet.
Con ögls qua chi larmaivan
10 Ün pa ’navant eu get,
Dalunga l’inscuntraiva,
Da cour la salüdet.
Meis plant non po dir oura,
Mia lengua radschunar
15 L’algrezia da meis cour,
Chi fet quel fich ’legrar.
Bainvgnüda, rösa bella,
Dschet eu, am tgnand fich bun,
Gentila giuventschella
20 E gilgia da coruna.
Charissem sar vus bel,
Bainvgnü, sajat containt!
Che causa ais, cha el
Seis ögls ha plain da plant?
25 Que ais ’na bella matta,
Chi’ m fa usche larmar,
Seis cour ais dür affatta
E non voul s’ lamiar.
Eu non avess mai cret
30 E no’ m’ vess impissà,
Cha pro quel meis dalet
Regness tant crudeltà.
