Nun se, scha fors’allura
Füssas eir bain containta
135 A vair con dolur
Spartir mieu giuven saung.
Ma scha mez mort acquia
Vus am vzais stramento
Scha vus be dschessas schi,
140 Sarò bod ravivo.
Vulais uoss’ mia mort
O vulais mia vita,
Schi declarè bainbod,
Schi declarè subitte.
145 Avuonda e bricha pü;
Eau vögl bain vossa vita;
Cun vus vögl eau dir schi,
Dir schi eir bod subitte.
Acquia as possa eir der
150 Il mieu maun dret, mieu cour,
Il vos dè no a mi,
Schi ’ns volains dalum tour.
Voss pleds am faun alguer,
Mieu cour daffat spartir,
155 Giavüschè’ m vus da ster,
Da viver e da murir.
O pleds zuond cuffortus,
Chi fo mieu cour legrer,
O dutsch e grazius,
160 Cha taunt he stuvieu amer.
Quaist pleds m’haun do la vita,
Haun fat mieu cour flurir,
Chi vulaiva usche subit
Davent da me spartir.
165 Schi sajas dimena mia,
Sco eir ch’eau vos sun;
O Segner do’ ns la vita,
Bain benedicziun.
