O schi laschains no tuots insembel
Dad üna vart la vanited
Guidains la barcha cun quel rembel
Chi ’ns maina tiers l’eternitet.
105 Chi ais eternitet beeda
Inua chatarons il spus,
Chi ho la chambra prepareda
Scha fains sa vögla eir per nus.
O schi fain tuots la vögla sia
110 Il chè s’asgür chi nun ais greiv
Et cur cha nus spartins da quia
Et cha morins ans sarò leiv.
Hè bain stimâ d’ metter in penna
Eir quaista mia aplicatiun
115 Per vair schi saja darcho da memma
O forsa cunter la raschun.
Eir l’otra chi eira vardaivla
Fatta per tuots in generel
L’ais steda bain però nuschaivla
120 Tiers chi chi vaiva il pü grond mel.
Però speresch cha quaista saia
Ün bun remeidi per il tuot
Almain a quel chi in Dieu craia
Et chi eir l’ama supra tuot.
125 Eug chi hè fat las poesias
Confess dad esser stò chargio
Con las pü grandas malatias
Et lönch vivieu in il pcho.
Ma am chatand in stedi tel
140 Et am sentind granden dolur
Schi per gnir liber da mieu mel
Sun recurieu tar il dotur.
Il quel m’ho do üna masdina
Chi m’ho vout tuotta ma natüra
135 Fond vair cha quella sai’ infina
Cha qua la mia vita düra. —
