Pagina:Decurtins - Rätoromanische chrestomathie, IX.djvu/197


Volkslieder. 183



Il salip det suringiò
E ’s rumpet eir il tschervè.
15 Hopsa jufifallerallera.

„O dolur, melanconia,
Amalà ma compagnia!“
Hopsa jufifallerallera.

La furmia get vi sur mar
20 Per masdinas da masdinar.
Hopsa jufifallerallera!

E qua get ell’intuorn Pasqua
E turnet intuorn Nadal.
Hopsa jufifallerallera.

25 E cur ch’ella füt turnada,
Eir’el mort e sutterrà.
Hopsa jufifallerallera.

„O dolur melanconia,
Eu ha pers ma compagnia.“
30 Hopsa jufifallerallera.

„Eu ha üna grand’ dolur
Eir per tai, o meis char cour.“
Hopsa jufifallerallera.

„Giuvna guaivda cha eu sun,
35 Frais-cha terra cha tü fast.“
Hopsa jufifallerallera.

La furmia s’ mett’a bragir
Infin tant la sto murir.
Hopsa jufifallerallera.

133.

(Annalas XI, Vital, p. 178.)

O dolur, che ch’eu hat fat
Tut ün hom impè d’ün mat,
Tut ün hom con nouv infants,
Tschinch mattuns e quatter mattans,