Vuo staivat zuond fich bel
30 E tschert vus eschat quel,
Ma scha nun essans finas
Eschan almain charinas.
Malizia e fosdâ
Ingian, infedeltâ
35 In vus ais tuot, matuns,
O bels, ma fos matuns.
In buocha vais il meil,
Ma in il cour il feil;
Voss pleds sun lams sco lat,
40 Ma fraid ais in il fat.
In nus ais fideltâ,
In nus sinceritâ,
In nus ais cour real,
Tuot bain ed üngün mal.
45 In nus ais ün cour prus,
Vus eschat malizius,
Malstabels sco utschels,
Nus saimplas sco agnels.
Pertant, cumpognas charas,
50 Laschain els ün pa star,
Stain par nus be ün pa
Schi vegnan els davo.
Charas cumpognas mias,
Urain in allegria,
55 Da’ s allegrar nel Segner
Üngün nun dess s’astegner.
Il Segner ans parchüra,
E’ ns detta bain vintüra,
Quels scha Diou ans vol dar
60 Üngün nun’ s po pigliar.
Vintüra e tuot bainstar,
Ans osta da contrari;
Tia grazchia, Diou, da’ ns quia
Tia gloria in tschel luvia.
