 |
Questa pagina è stata trascritta e formattata, ma deve essere riletta. | |
| 146 | Volkslieder. |
Ach meis bain tü am cognoschast
Schi perché vost am ferir
Laschast gnir quels pleds or d’ bocca
Ch’eu vegn forza at tradir.
85 Impussibel es ch’eu possa
Invlüdar tot quist amur
Vögl plütöst murir jüst uossa
Co dvantar ün traditur.
Siast fidela e costanta
90 Sco ch’eu sgür sarà cun tai
E at impaissa chara amada
In teis cor zond sur da mai
Cha bain spert am vöglast scriver
Racumond eu charamaing
95 Fors’avant amo ch’eu riva
Al destin l’istessamaing.
105.
(Annalas XIV, Vital, p. 218.)
Prümavair’ais arrivada,
Chod splendura il solai;
Nel lontan vögl far viadi
Ed il man a mai spordschai.
5 Vers la val pigl eu ma strada
E cumgià pigl d’ ma brajada.
Sta addieu tuots quels a chasa
Ed il man a mai spordschai.
Sta addieu, tü mia chüna,
10 Eu at sto uoss’ bandunar
Vögl tscherchar otra fortina,
Qui non poss eu saimper star.
Eir nel ester s’ chatta chasas,
Chi non resgia, non fa assas;
15 Speranzand vögl lontanar,
Qui non poss eu saimper star.
Dieu suprem vus tuots perchüra,
Quaist giavüscha vos ami;
Amicizia adüna düra,
20 Que chi ’s ama rest’uni.
