 |
Questa pagina è stata trascritta e formattata, ma deve essere riletta. | |
| Volkslieder. | 143 |
Che jüda plü intardamaint
Il temp cloma per mai,
As rend’usché teis cor cuntaint
Per chi gnara surlevgiamaint
40 O chara dam il man. —
103.
(Annalas VI, Derin, p. 47.)
Adiou meis amur, adiou meis char cor,
Adiou meis amur, adiou meis tesor.
Eu sto bandunar a tai meis char cor
E quai sto dvantar ant cha ’l mais glivra or.
5 Am vain mal nel cor cur ch’eu am impais
E per dir tras or eu sun tuot surprais.
Per tai mia dileta invidas eu vegn
Meis unic badent e meis unic sustegn.
Teis nöbel tratar eu n’ha nel imaint
10 Ach tü meis cor char tiram or dal turmaint.
Et lura lascham ir ch’eu possa tuornar
Pro mia cumpagnia ch’eu possa tuornar.
Scha Diou voul ch’eu tuorna ch’eu tuorn inavò
Schi vegn eu d’inviern per star quia sur stad.
15 E lura cun tai eu vögl bain passar
Meis temp inandret sainza minchunar.
104.
(Annalas VI, Derin, p. 47/8.)
Chara perché tant suspürast
Che at manca o pover mé?
Ach quai para cha tü cridast
La radschun nu sa perché.
5 Forsa sast tü a quist ura
Cha damaun vegn a partir
Schi at rov o chara spusa
Cun tias larmas nu ’m far ir.
