 |
Questa pagina è stata trascritta e formattata, ma deve essere riletta. | |
| Volkslieder. | 129 |
84.
(Annalas XIII, Vital, p. 181.)
Quaista saira ’lain chantar
E star allegramente.
Sch’eu non ha be qua meis char,
Schi ingiò dess ir a ’l tscherchar
5 O meis char, charissem!
Que ch’eu ha aint in meis man,
Que non ais tuot mieu;
Que chi’ m plascha vögl pigliar,
E que no ’m plascha vögl laschar:
10 Minchün piglia la sia.
85.
(Annalas XIII, Vital, p. 212.)
Ün e duos e trais,
Marusa, di, sch’ tü’ m vainst;
Quatter, tschinch e ses,
Marusa, di, sch’ tü’ m est;
5 Set ed ot e nouv,
Marusa, di, sch’ tü ’m voust;
Desch, ündesch e dudesch,
Marusa, di, sch’ tü ’m spusast;
Traidesch e quattordesch,
10 Sch’eu’ t pigl, schi’ t pigl eu per ün morder;
Quindesch e saidesch,
Sch’eu’ t pigl, schi’ t pigl eu per quaista saira;
Deschset e deschdot,
Sch’eu’ t pigl, schi’ t pigl eu per quaista not;
15 Deschnouv e vainch,
Sch’eu ’t pigl, schi ’t pigl eu per üna suonda d’ painch.
La suonda d’ painch dun al mugliner,
Il mugliner fa la farina;
La farina dun al puerch,
20 Il puerch fa la suondscha;
La suondscha dun al chalger,
Il chalger fa las s-charpas;
Las s-charpas dun alla cromarina,
La cromarina da ’ls bindels,
25 Ils bindels met sül chapè da meis marus.
9
