 |
Questa pagina è stata trascritta e formattata, ma deve essere riletta. | |
| Volksmedizin | 991 |
383. Per la tus tgaun ei il meglier carn tgaun.
384. Sch’ins lai lapar in tgaun ord la scadiola d’in affon, che ha la tus tgaun, avon schar beiber quel, cala la tuss.
385. Per il malcostas ei bien suar.
386. Per il malcostas ei bien scaldar si flurs.
387. Per il malcostas ei bien scaldar si piazs pieun.
388. Per il malcostas ei bien vin bugliu.
389. Per il malcostas ei bien the suitg.
390. Per il malcostas ei bien scaldar si pulenta. …
391. Per il malcostas ei bien scaldar si crestgas.
392. Per il mal costas sto ins mazzar ina gaglina nera, schar ella entochen ch’ella toffa e lu ligiar sin las costas.
393. Il malcostas peglia ins cun duvrar il tapet d’in, che ha giu il malcostas; il tapet tegn il malcostas vegn ons.
394. Per il stretg ei bien metter si ina paisch raischa.
395. Per il stretg ei bien the de geneivra.
396. Per il stretg ei bien tuargia de suitg tschietschen.
397. Per il stretg ei bien plantagiens.
398. Per il stretg ei bien metter sil brust ina pial muntanialla.
399. Per il stretg ei bien metter si piazs pieun.
400. Per il stretg ei bien unscher cun grass lieur.
401. Per il stretg ei bien broda cun tuargia suitg.
402. Per il stretg ei bien de purtar in sitget cun flurs camella entuorn culiez.
403. Per il stretg ei bien the de fustitga de tschareschas neras.
404. Per il stretg ei bien gromma buglida.
405. Per il stretg ei bien beiber pischada frestga luentada.
406. Per il stretg ei bien tuargia suitg. Ins metta ella sin pupi blau de zucar, tigliaus ora en fuorma d’in cor, sin il pez; avon che rasar ora la tuargia, sto ins furar il pupi dapertut cun ina guila.
407. Per dar la struha ad in auter, fan ins giu la mutschegna la damaun e metta ella vid la falla digl esch; quel che arva gl’emprem igl esch, survegn la struha.
408. Per il trer anavos ei bien rosmarin bugliu giu en latg caura.
409. Per il trer anavos ei bien the de ragisch dultscha.
410. Per il trer anavos ei bien tuargia fatga cun jarva de sontga Margriatha.
411. Per trer anavos ei bien aua de buseca.
412. Per il trer anavos sto ins beiber in tec jeli d’uliva fin e suenter aua de crut aisch. Sch’ins haregia cun quei, sche gida ei bein.
